Putin Rasmussenə güvənmədiyini deyib

Rusiya prezidenti Vladimir Putin NATO baş katibi Anders Foq Rasmussenə güvənmədiyini deyib. Putin bildirib ki, Rasmussenlə görüşü zamanı NATO baş katibi aralarında olan danışıqları diktafona yazıb, daha sonra isə səsyazısını mediaya sızdırıb.

ANS PRESS-in məlumatına görə, Putin hadisənin Rasmussenin Danimarka baş naziri olduğu vaxtda baş verdiyini deyib. “Rasmussen Danimarka baş naziri idi. Mənimlə görüşmək istədiyini dedi. Qəbul etdim. Lakin o, görüş zamanı bütün danışdıqlarımızı diktafona yazıb, sonra da mətbuata sızdırıb. Qulaqlarıma, gözlərimə inanmadım. Bundan sonra Rasmussenə necə inana, güvənə bilərəm?”, – deyə Vladimir Putin bildirib.

NATO Vladimir Putinə cavab verib. Alyansın mətbuat xidmətinin açıqlamasında bildirilir ki, Rusiya prezidentinin söylədikləri tamamilə yalandır, heç bir əsası yoxdur.