Mustafa Krımoğlu Putinə şərt qoydu

Ukraynada yaşayan Krım tatarlarının lideri Mustafa Cəmil Krımoğluna Rusiya federasiyasının prezidenti Vladimir Putinlə görüşmək təklif olunub. 

Avropa.info-nun Ukrayna mətbuatına istinadən verdiyi xəbərə görə, bu barədə M.Krımoğlu Ukrayna mətbuatına məlumat verib. Krım türklərinin lideri Putunin görüş təklifinə bir qədər fərqli münasibət göstərib. O, Putindən Rus ordusunu bu ölkədən çıxarmasını tələb edib. M.Krımoğlu rus ordusunun Krım ərazisini tərk etmədikcə Putinlə görüşməyəcəyini bildirib. Krım tatarlarının lideri həmçinin Rusiyanın Krımda qəbul elətdirdiyi konistitusiyanı da tanımadıqlarını bildirib: “O kitabın 1-ci maddəsində Krım Rusiya ərazisi kimi göstərildiyini gördüm və bundan sonra kitabın növbəti maddələrini oxumağa ehtiyac qalmadı”-deyə o, vurğulayıb”.