ABŞ kəşfiyyatı diktatorların və korrupsionerlərin pullarını axtarmaq üçün xüsusi qrup yaratdı

ABŞ Federal Təhqiqatlar Bürosu devrilmiş diktatorların və korrupsiner hökmdarların xaricdə gizlədilmiş aktivlərini axtarıb üzə çıxarmaq üçün xüsusi qrup yaradıb.

Virtualaz.org xəbər verir ki, bu barədə Londonda Ukraynada Yanukoviç hakimiyyətinin ölkədən çıxardığı aktivlərin geri qaytarılmasna dair təşkil edilmiş iki günlük beynəlxalq konfransda ABŞ-ın baş prokuroru Erik Holder elan edib.

Ukraynanın yeni hakimiyyəti dünyanın 136 ölkəsinə müraciət edərək devrilmiş prezident Viktor Yanukoviç də daxil olmaqla onun hakimiyyətinin 68 vəzifəli şəxsinin bank hesabları barədə informasiya verməyi xahiş edib. Təxmini hesablamara görə Yanukoviç hakimiyyəti dövründə ölkədən qanunsuz yollarla 32 milyard dollar çıxarıla bilər.

London konfransında çıxış edən Erik Holder deyib ki, korrupsiya və xalqlardan oğurlanmış pulların aşkar edilməsi üçün hələ 2010-cu ildə “maliyyə spesnazı” yaradıb. Bu qrupda yer alan mütəxəssislər Nigeriya diktatoru Sani Abaçanın 550 milyon dollarını aşkar edərək geri qaytarmağa kömək ediblər. Holder amerikalı mütəxəssislərin Ukraynada da işlədiyini bildirib. Yanukoviçin oğurladığı pulların izinə düşmək üçün xüsusi agentlər və çirkli pulların yuyulması üzrə mürəkkəb sxemləri araşdıran analitiklər cəlb olunublar.