ABŞ Ukraynaya 100 mln-luq hərbi yardım edəcək
05.05.2014 - 12:59
ABŞ senatorlarının böyük bir qrupu
ABŞ-ın Ukraynaya 100 mln dollarlıq hərbi yardımını nəzərdə tutan qanun
hazırlayır. Bu barədə senator Con Makkeyn İnter telekanalının efirində
danışıb. O qeyd edib ki, söhbət Ukraynaya təkcə maliyyə yardımından
getmir.
“Biz rus aqressiyasına qarşı vasitələr təqdim etmək istəyirik. Putinə
anlatmalıyıq ki, o Ukraynanın Şərqini yaxud Cənubunu qəsb etmək istəsə,
bu ona baha başa gələcək”, – deyə senator qeyd edib.
O qeyd edib ki, Amerika Putinin aqressiyasına “Rusiyanı tam təcrid
etməklə” cavab verməyə hazırdır. “Biz təzyiq edəcəyik ki, Rusiya
qoşunlarını çıxarsın və Krımın statusu bərpa olunsunş Biz sizi
atmayacağıq”, – senator bildirib.
azadlıq.info
Short URL: http://www.cumhuriyyet.net/?p=6901
