İdarə rəhbərliyi 2001-ci ildən əvvəlki borclar isə “dirildib”

Sumqayıt Elektrik Şəbəkədə baş verən özbaşınalıqların ardı-arası kəsilmir. JAM.AZ-a verilən məlumatda vurğulanırdı ki, idarənin rəisi vəzifəsini icra edən Tacəddin Aslanov işdə yol verdiyi yeyintiyə görə 1 ay bundan əvvəl işdən çıxarılsa da, hələ də otağından çıxmır. Üstəlik, işçilərindən pul yığmağa da davam edir. 

JAM.AZ-a verilən son məlumatlara görə isə Sumqayıt Elektrik Şəbəkədə dünyasını dəyişmiş şəxsə bildiriş belə verilir. Vətəndaşlardan biri bizə yazıb ki, bu yaxınlarda 2 il 6 aya güclə ərizə, ölüm haqqında şəhadətnamənin surəti, şəxsiyyət vəsiqəsinin surəti və evin çıxarışının surətini ala bilib. Adıçəkilən dövlət qurumunda isə ondan yalnız bir şey souruşublar: “Evi alırsa, yoxsa satırsan?”. Ardından isə vətəndaşa bildiriblər ki, onun 2001-ci ildən qabaq 89 manat borcu olub və həmin pulu ödəməlidir. 

Halbuki əhalinin elektrik, qaz və suya olan borcları bir neçə dəfə hökumət tərəfindən ləğv edilib. Və bu borcun haradan yarandığı da heç kimə məlum deyil. Şübhəsiz ki, burada məqsəd həmin pulları alıb, öz şəxsi maraqları üçün istifadə etməkdir.