Gülər Əhmədovadan mesaj

Hazırda müalicə olunur: “Ailəvi qərarımız var
ki, mətbuata danışmayacam. Azadlığa çıxmağımla maraqlananlara, bu
xəbərə sevinənlərə, eləcə də sevinməyənlərə təşəkkür edirəm. Hələlik
ancaq iki şey barədə düşünürəm: ailə və istirahət. Bəraət hökmü üçün
müraciət barədə heç bir qərarımız yoxdur. Vəkillər də istirahət edir,
mən də”.

Müsahibimiz hazırda əhatəsində ancaq öz ailəsinin, bacı-qardaşının
olduğunu dedi: Mənimlə maraqlanan, azadlığa çıxdığıma görə sevinənlərə
təşəkkür edirəm. Hörmətli jurnalistlərdən, mətbuat işçilərindən isə
xahiş edirəm ki, məni narahat etməsinlər, məni başa düşsünlər. Çünki
uzun müddətdir ailəmdən, balamdan uzaq düşmüşəm. Bundan başqa,
sağlamlığımla məşğulam. Hamıdan xahiş edirəm ki, inciməsinlər. Bütün
jurnalistlərə, məni axtaran qələm əhlinə cansağlığı, ailə səadəti arzu
edirəm. Ailəmlə, uşaqlarımla oturmuşam, iynə-dərmanımı qəbul edirəm.
Məni başa düşsünlər. Üstümə gəlməsinlər, imkan varsa, rahat
buraxsınlar”.

Xatırladaq ki, sabiq deputat Gülər Əhmədova may ayının 5-də
məhkəmənin qərarı azadlığa buraxılıb. Hakim Əflatun Qasımovun sədrliyi
ilə keçirilən prosesdə Cinayət Məcəlləsinin 70-ci maddəsi tətbiq
olunmaqla Gülər Əhmədova barəsində 3 il sınaq müddəti təyin olunmaqla
cəzası şərti hesab edilib.

 “Yeni Müsavat”