“Volksstim”: “Ukrayna xəritədən silinə bilər”

Almaniyanın məhşur “Volksstim” qəzeti Ukraynanın xəritədən silinə biləcəyini yazıb.

 

“Axar.az” xəbər verir ki, qəzet bu mövzuda Avropanın mövqeyini sərt şəkildə tənqid edib:

 

“Ukrayna böhranında gərginliyin azaldılmasının açarı Moskvada deyil, Kiyevdədir. Görünür, hadisələrin bu cür gedişi ABŞ-ı da qane edir. Bu, Avropa Birliyinin xeyrinə olmayacaq. Avropalılar müvəqqəti hökumətin təcrübəsiz aktyorlara bənzəyən liderlərinə ümid etməməlidirlər”.

 

Qəzet yazır ki, Ukrayna boynundakı kəndiri çıxarmaq istəyirsə, hərbi əməliyyatları dərhal dayandırmalıdır: “Separatçılara qarşı aparılan əsgəri əməliyyatlar bir andaca dayandırılmalıdır. Hər qurban böhranı daha da şiddətləndirir. Rəsmi  Kiyevi bu münaqişədən çəkindirmək əvəzinə Vaşınqton alova benzin tökür. Kiyev rəhbərliyinin silahlanma çağırışı, muzdlu Amerika əsgərlərinin ölkəyə gətirilməsi Ukraynanın dünya xəritəsindən silinməsinə səbəb ola bilər”.  

 

Qəzet bildirir ki, həm AB, həm də Amerika səhv siyasət yürüdür:

 

“AB xarici İşlər nazirləri nə edir? Bu günə qədər heç bir işə yaramayan sanksiyalarla nəyə nail olmaq istəyirlər? Ukraynanı sürətli bir şəkildə sülhə qovuşduracaq strategiya belə olmaz”, – deyə qeyd olunur.