Çeçenlər Rusiyaya qarşı döyüşə hazırlaşır
Çeçenlər Rusiyaya qarşı döyüşə hazırlaşırMayın 1-də İordaniyanın paytaxtı Əmman şəhərindən 813 nömrəli reyslə İstanbula 97 çeçen döyüşçüsü gəlib. Daha sonra onlar 382 nömrəli reyslə Tiflisə uçublar. “Axar.az” xəbər verir ki, bu barədə Fars Xəbər Agentliyi məlumat yayıb. Agentliyin verdiyi məlumatda bildirilir ki, 3 ildir Suriyada Əsəd rejiminə qarşı döyüşən çeçen döyüşçüləri Rusiyada terror aktları törətmək üçün Tiflisə yollanıblar. “Döyüşçülər öz bazalarını Pankisi dərəsində qurublar və oradan Rusiya ərazisinə keçməyi planlaşdırırlar. Onlar Ukraynada baş verənlərə görə Rusiyada vəziyyəti gərginləşdirmək üçün ölkənin müxtəlif ərazilərində partlayışlar törətmək niyyətindədirlər”, – deyə agentlik Səudiyyə Ərəbistanı təhlükəsizlik xidmətinin adının açıqlanmasını istəməyən əməkdaşına istinadən bildirib. İordaniyaya 50-ci illərdən sonra deportasiya edilmiş çeçen icmasının nümayəndələri indi Əsədə qarşı vuruşur. Mayın əvvəlində Səudiyyə Ərəbistanının Suriyadan xeyli sayda döyüşçünü separatçılara qarşı vuruşmaq üçün Ukraynaya göndərdiyi ilə bağlı məlumat yayılmışdı. “Səudiyyə Ərəbistanı kəşfiyyatı tərəfindən maliyyələşdirilən xeyli sayda terrorçu qruplaşması rusmeyilli separatçılarla döyüşdə Ukrayna ordusuna kömək etmək üçün bir neçə təyyarə ilə Kiyevə göndərilib. Döyüşçülər Kiyevdən gizli şəkildə Ukraynanın şərqinə gediblər və Ukrayna ordusu formasını geyinib separatçılara qarşı döyüşürlər”, – deyə mənbə bildirib. Mənbə eyni zamanda bildirib ki, Səudiyyə Ərəbistanı Suriyada Bəşər Əsəd rejimini dəstəklədiyi üçün Rusiyanı cəzalandırmaq niyyətindədir.
Short URL: http://www.cumhuriyyet.net/?p=7184
