Saakaşviliyə Ukraynada vəzifə verilir
26.05.2014 - 10:33
Saakaşviliyə Ukraynada vəzifə verilir
Ukraynada prezident seçkilərində zəfər eldə etmiş Pyotr Poroşenko öz qərargahında məsləhətçilərindən birinin Gürcüstan vətəndaşı olacağını bildirib.Axar.az xəbər verir ki, o, həmin şəxsin kimliyinə aydılıq gətirməyib. Sadəcə, bilidirlib ki, yaxın günlərdə həmin şəxsin adını bəyan edəcək. Poroşenko qeyd edib ki, Ukrayna ilə Gürcüstanı ənənəvi dostluq münasibətləri birləşdirdiyindən, gürcülərin burada yüksək postlar tutması olduqca normaldır.
Poroşenkonun bu bəyanatı əməlli ajiotaj yaradıb. Bəzi gürcü ekspertləri Feysbuk səhifələrində həmin şəxsin Gürcüstanın sabiq prezidenti Mixeil Saakaşvili olduğunu yazıblar.
Kliçko isə mediaya açıqlamasında faktı təsdiqləyib və bildirib ki, əslində, Saakaşvili ilə bu barədə danışılıb və onun ilkin razılığı alınıb. Kliçko həmçinin bu vəzifəyə Kaxa Bendukidzenin də namizədliyi barədə müzakirə aparıldığını vurğulayıb.
Xatırladaq ki, Saakaşvilinin prezidentliyi dövründə Gürcüstanda iqtisadi islahatların “atası” sayılan iqtisadçı Kaxa Bendukidze Ukrayna Baş naziri yanında İqtisadi Şuraya üzv seçilmişdi.
Short URL: http://www.cumhuriyyet.net/?p=7470
