Ukrayna Ermənistandakı səfirini geri göndərdi

Ukrayna Ermənistandakı səfiri İvan Kuxtanı geri göndərib. 

Musavat.com-un
erməni qaynağına istinadən verdiyi məlumata görə, bu barədə Ukrayna
XİN-in İnformasiya Siyasəti Departamentinin rəhbəri Yevgeni Perebiynis
açıqlama yayıb. 

Onun sözlərinə görə, prezident
Serj Sərkisyan Pyotr Poroşenkonu seçkilərdəki qələbə münasibətilə
təbrik edəndən sonra belə bir qərar verilib. “Erməni tərəfi Ukrayna
prezidentinin seçilməsini alqışlayıb və Ukrayna ilə konstruktiv
əməkdaşlığa ümid ifadə edib”, – deyə XİN rəsmisi bildirib. 

Xatırladaq
ki, Sərkisyan Krımın Rusiyaya birləşdirilməsi haqda referendumla bağlı
pozitiv mövqe açıqlayandan sonra Ukrayna öz səfirini geri çağırmışdı.