Yeni prezidentdən ilk bəyanatlar
07.06.2014 - 14:49
Ukrayna prezidenti Petr Poroşenko Ali Radada inauqurasiyadan sonra xalqa müraciət edib.
Yeni seçilmiş prezident hər
kəsi silahları yerə qoymağa çağırıb və Donbassedə terroristləri
maliyyələşdirməyən, eləcə də insanları öldürməyən şəxslərə amnistiya
vədi verib:
“Mən Ukraynanın bütövlüyü qorumaq və gücləndirmək,
uzunmüddətli sülh və etibarlı təhlükəsizliyə zəmanət vermək üçün
prezidentliyə getdim”.
Poroşenko bildirib ki, müharibə istəmir və
qisas hissi ilə yanmır: “Lakin gözlərimin qarşısında Ukrayna xalqının
verdiyi çoxsaylı qurbanlar var. Mən sülh və Ukraynanın bütövlüyünü
istəyirəm. Zəmanət kimi ilk növbədə, əlində Ukrayna döyüşçüləri və dinc
əhalinin qanı olmayan, terrorizmi maliyyələşdirməyən şəxsləri cinayət
məsuliyyətindən azad edəcəm”.
Short URL: http://www.cumhuriyyet.net/?p=8162
