BMT Mandela adına mükafat təsis edib

BMT Baş Assambleyasının nümüyəndələri Nelson Mandela adına mükafat
təsis ediblər. Yeni mükafat ayrı-ayrı şəxslərə BMT prinsip və
məqsədlərinin gerçəkləşdirilməsinə bəxş etdikləri töhvələrə görə
veriləcək. Bu barədə BMT mətbuat xidmətindən bildirilib.

BMT baş katibi Pan Gi Mun bu barədə qəbul edilmiş qətnaməni tarixi
adlandırıb. Onun fikrincə, mükafat Mandelanın irsini qoruyub artırmağa
imkan verəcək. 

Nelson Mandela 5 dekabr 2013-cü ildə Yohannesburqdakı evində 95
yaşında dünyasını dəyişib. O, Cənubi Afrika Respuliksının ilk qara
dərili prezidenti (1994-1999) olub. Mandela aparteid rejimi ilə
mübarizəyə görə həyatının 27 ilini həbsxanada keçirib. 1993-cü ildə o,
Nobel sülh mükafatına layiq görülüb. (anspress.com)

Short URL: http://www.cumhuriyyet.net/?p=8205