İraqdan imdad çağırışı
11.06.2014 - 22:44
120 türk işçi İraqdakı fabrikdə çarəsiz duruma düşüb.
Axar.az xəbər verir ki, Mosuldan 60 kilometr məsafədə yerləşən fabrikdə işləyən türklər Türkiyə hökumətinə çağırış edib.
Fabrikdə çalışanlardan birinin verdiyi məlumatda bildirilir ki, burada işləyən 1500 iraqlı fabriki tərk edib, yalnız 120 türk işçi qalıb. Türkiyəli işçilər də ölkələrinə geri qayıtmaq istəyir, ancaq geri dönüş üçün ya Mosuldan, ya da Rabiadan keçmək lazımdır ki, bu iki çıxış yolu da İŞİD-in nəzarəti altındadır.
Türkiyəli işçilər girov düşmədən Türkiyədən yardım istəyirlər.
Qeyd edək ki, bu gün Türkiyənin Mosuldakı konsulu İŞİD tərəfindən girov götürülüb.
Short URL: http://www.cumhuriyyet.net/?p=8467
