Rusiya Ermənistandan uzaqlaşsa, ölkənin təhlükəsizliyi sual altında qalacaq

Rus jurnalist həqiqəti dedi, ermənilər özündən çıxdı

Rusiyalı jurnalist Dmitri Kiselyov Ermənistanda arzuolunmaz şəxs elan
oluna bilər. ANS PRESS-in məlumatına görə, buna səbəb jurnalistin
Ermənistanla bağlı söylədiyi fikirlər olub.
Dmitri Kiselyov Ermənistanda “arzuolunmaz şəxs” elan olunması məsələsi
Ermənistan parlamentində müzakirə edilib. Müzakirələr zamanı
deputatların əksəriyyəti rusiyalı jurnalistin “persona non qrant elan
edilməsini tələb edib.
“Dmitri Kiselyov Ermənistana, ermənilərə, erməni dilinə hörmətsizlik
edib. Ona görə də Xarici İşlər Nazirliyi onu arzuolunmaz şəxs elan
etməlidir”, deyə bir çox deputat eyni fikirdə olub.
Qeyd edək ki, rusiyalı jurnalist demişdi ki, ermənilər rus dilində
danışmağı yaxşı bacarmalıdır. Ermənistanın təhlükəsizliyi üçün ermənilər
“Dil haqqında” qanuna dəyişiklik etməlidir. Ermənilər başa düşməlidir
ki, Rusiya Ermənistandan uzaqlaşsa, ölkənin təhlükəsizliyi sual altında
qalacaq.

Short URL: http://www.cumhuriyyet.net/?p=8538