Zahid Oruc hakimiyyətin monolit olmadığını etiraf etdi
Xarici İşlər Nazirliyi Azərbaycan siyasətini öz bildiyi şəkildə, parlamentarilər digər formada, hökumət nümayəndələri ayrı bir şəkildə xaricə çatdırır
“Azadlıq” radiosuna müsahibəsində Z.Oruc “Azərbaycan kimin yanındadır” sualına cavabında rabitəsizliyin olduğunu bildirib: “Təəssüf ki, bizdə rabitəsizlik var. Xarici İşlər Nazirliyi Azərbaycan siyasətini öz bildiyi şəkildə, parlamentarilər digər formada, hökumət nümayəndələri ayrı bir şəkildə xaricə çatdırır. Belə bir şəraitdə biz bir-birimizi təkrarlamaqdan çox, işə ziyan mövqelər tuturuq”.
Millət vəkili müsahibəsində Qərbin Azərbaycanı və Ermənistanı demokratik dövlət kimi görmək istədiyini də qeyd edib: “Qərb istəyir ki, hər iki dövlət demokratikləşsin. Avropa institutlarına yaxınlaşsın, əməkdaşlıq artsın. Qərbə görə cəmiyyətə, vətəndaş birliklərinə daha çox səlahiyyətlər verilməlidir, dövlətin rolu azaldılmalıdır və bundan sonra hər hansı “x” zamanında da ərazi bütövlüyü də həll olunacaq”. Lakin Z.Oruc hesab edir ki, bu, ziyanlı yanaşmadır.
Short URL: http://www.cumhuriyyet.net/?p=8557
