Yanukoviç Krımın işğalını necə hazırladı?
20.06.2014 - 14:39
Ukrayna Təhlükəsizlik Xidmətinin (UTX) rəhbəri Valentin Nalivayçenko ölkənin xüsusi xidmət orqanlarında 2013-cü ilin dekabrından 2014-cü ilin fevralına kimi Rusiya Federal Təhlükəsizlik Xidmətinin (FTX) yüksək çinli əməkdaşlarının işlədiklərini deyib.
Axar.az xəbər verir ki, Nalivayçenko bu barədə “Den” qəzetinə verdiyi açıqlamasında bildirib.
“Bu 3 ay ərzində bütün müasir silahlar, şəxsi işlər, arxivlər, peşəkar xüsusi xidmətdə yerləşirilənlərin hamısı Simferopola aparılıb.Ukrayna dövlətini qorumaq üçün yaradılmış hərbi birləşmələr son illər rus casusları ilə dolmuşdu və Maydanda insanları güllələməyi planlaşdırırdılar. Dövlətin müdafiəsi departamentinin rəhbərliyi, UTX-nin yüksək çinli generalları fevral ayında Kiyevin mərkəzindıə cinayət törətmək üçün gecə-gündüz plan cızırdılar”, – deyə Nalivayçenko bildirib.
UTX rəhbərinin sözlərinə görə, Rusiya rəhbərliyi Krımın birləşdirilməsi və bu gün Donbasda baş verənləri eks-prezident Viktor Yanukoviçlə birgə planlaşdırıblar.
“artıq mart ayında biz Luqansk və Donetsk vilayətlərində maliyyəsi, ideologiyası, hətta silah bazası olan separatçı təşkilatları müəyyən etdik. Muzdluları ələ alıb bizim ərazimizə göndərdilər”.
Short URL: http://www.cumhuriyyet.net/?p=8652
