Gələn həftə Qafqazın taleyi müəyyənləşəcək

“Ermənistandan Rusiyaya gedəcək dəmiryolu açılmazsa, avtomatik olaraq İrəvanı bütün məhsulların qiymətinin bahalaşması gözləyir”.

Bu açıqlama ilə erməni analitiki Naira Ayrumyan çıxış edib. O, Lavrovun Ermənistana səfərinin Sərkisyandan Gürcüstan görüşlərinin hesabatını soruşmaq məqsədi daşıdığını söyləyib: “Ermənistandan Rusiyaya gedəcək dəmiryolu mühüm əhəmiyyət daşıyır. Bu olmasa, İrəvanı bütün məhsulların qiymətinin avtomatik bahalaşması gözləyir. Gürcülər təbii ki, bu yolu açmayacaqlar. Çünki bir həftə sonra Avropa İttifaqının assosiativ üzvü olurlar. Bundan sonra isə onların rusların təkərinə biz soxmaq üçün bəhanə axtarmağa ehtiyac qalmayacaq. Görünür, Lavrov da buna görə iyunun 22-də Ermənistana gəlir. İrəvanda Sərkisyandan hesabat soruşulacaq. Artıq bölgədə Ermənistan üçün heç də uğur gətirməyəcək siyasi proseslər başlayır. Bu həftə regional proseslər üçün ən ağır gün olacaq. Rusiya Azərbaycan və Türkiyə vasitəsilə İranın Avropaya gedəcək kəmərlərinin qarşısını alacaq. Çox güman ki, Bakıda bu məsələ artıq razılaşdırılıb. Gürcülər isə Rusiyadan Ermənistana gedəcək dəmiryolu xəttini açmayacaqlar. Bütün bunların fonunda bölgədə istənilən hadisə baş verə bilər. Amma sonda yenə uduzan Ermənistan olacaq”(axar.az).