Həccə gedənlərə xəbərdarlıq

21.06.2014 - 18:23

ZəvHəccə gedənlərə xəbərdarlıqvarlar qeyri-qanuni əməllərinə görə edam oluna bilər

Həccə gedənlərə xəbərdarlıqZəvvarlar qeyri-qanuni əməllərinə görə edam oluna bilər

Azərbaycandan bu il Həcc ziyarətində gedəcək zəvvarlara ziyarət
zamanı qeyri-qanuni əməllərə yol verməmələri barədə xəbərdarlıq edilir.
Xəbərdarlığı pozanlar Səudiyyə Ərəbistanının qanunları ilə
cəzalandırılacaqlar.
Cəzalar arasında qeyri-qanuni əməllərin
ağırlığından asılı olaraq, edam da nəzərdə tutulur. QMİ-dən APA-ya
verilən məlumata görə, xəbərdarlıq zəvvarlara paylanacaq viza sənədləri
arasında olacaq. Zəvvarlar xəbərdarlıqla tanış olduqlarına dair imza da
atacaqlar.
Viza şərtləri arasında olan xəbərdarlıq ondan
ibarətdir ki, ziyarət zamanı zəvvarlar spirtli içki qəbul etməməli,
zinaya yol verməməli, hansısa siyasi və dini təriqətə qoşulmamalı, ölümə
səbəb olan və digər ziyanverici hərəkətlərdən, eyni zamanda hər hansı
siyasi aksiyalardan, toplumlardan uzaq durmalıdırlar. Əks halda,
Səudiyyə Ərəbistanının qanunvericiliyinə uyğun cəzalanacaqlar.
Edam cəzası dini təriqətlərarası qarşıdurma yaradaraq ölümə təhrik etmə, zina və spirtli içki qəbul etməyə görə nəzərdə tutulur.
Hər il qısa formada edilən xəbərdarlıq bu il daha geniş və izahatlı şəkildə zəvvarların diqqətinə çatdırılır.
Xəbərdarlıq bütün ölkələrdən gələn zəvvarlara edilir.
Qeyd
edək ki, Azərbaycandan bu il Həcc ziyarəti üçün ayrılan kvota artıq
dolub. Bu il Azərbaycandan Həcc səfəri sentyabrın 23-dən başlayacaq. İlk
gün bir reys, növbəti günlər isə hər gün 2 və ya 3 reys olmaqla,
uçuşlar sentyabrın 28-dək davam edəcək.
Sentyabrın 28-i Azərbaycandan Həcc ziyarətinə son səfər günü kimi nəzərdə tutulur.
Ziyarətdən
qayıdış isə Qurban bayramından 5 gün sonraya – təxminən oktyabrın
10-dan nəzərdə tutulur. Bu il Azərbaycanda Qurban bayramı oktyabrın
4-5-də qeyd olunacaq.
Azərbaycanda bu il Həcc ziyarətinə
getmək istəyən zəvvarlardan sənəd qəbulu fevralın 13-dən başlayıb.
Ziyarət bu il də iki variantda təşkil olunur. Nisbətən şəraiti zəif və
gündə iki dəfə yemək verilən hotellərdə qalan zəvvarlar üçün ümumi
ziyarət xərci 3250 manat, daha yaxşı şəraitli və yeməkləri daha çeşidli
olan hotellərdə qalmaq istəyən zəvvarlar üçün ümumi xərc 4100 manatdır.
Həcc ziyarətinə səfərlər yalnız təyyarə ilə baş tutacaq. Suriyada baş
verən hadisələrlə əlaqədar bu il də zəvvarlar avtobuslarla səfər edə
bilməyəcəklər. Azərbaycanlı zəvvarların uçuşlarını ASAS (Advance Spesial
Aviation Service) aviaşirkəti həyata keçirəcək.
Təklif olunan qiymətlər ötən ilki qiymətlərlə eynidir.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=8724

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

May 2024
BE ÇA Ç CA C Ş B
 12345
6789101112
13141516171819
20212223242526
2728293031