İsmayıllıda Səfərbərlik Xidmətinin yaranmasının 5-ci ildönümü qeyd edilib

14.02.2017 - 09:41

13 fevral 2017-ci il tarixdə Heydər Əliyev Mərkəzində Dövlət xidməti rayon şöbəsi əməkdaşlarının, hüquq və ədliyyə orqanlarının, ictimaiyyət və icra strukturları nümayəndələrinin iştirakı ilə Azərbaycan Respublikası Səfərbərlik və Hərbi Xidmətə Çağırış üzrə Dövlət Xidmətinin yaranmasının 5-ci ildönümü ilə əlaqədar təntənəli tədbir keçirilib. İştirakçılar əvvəlcə ümummilli lider Heydər Əliyevin abidəsini ziyarət edib və önünə gül dəstələri düzüblər.
Tədbiri giriş sözü ilə Səfərbərlik və Hərbi Xidmətə Çağırış üzrə Dövlət Xidməti rayon şöbəsinin rəisi Xamis Bədəlov açıb. Beş il müddətində dövlət xidməti və onun rayon şöbəsinin keçdiyi uğurlu yoldan, ordunun möhkəmləndirilməsindəki fəal iştirakından, ordunun cismən və mənən sağlamlaşdırılmasında oynadığı roldan ətraflı danışıb. Qeyd edib ki, Dövlət xidmətinin İsmayıllı şöbəsi də fəaliyyətini müasir tələblərə uyğun qurur. Hərbi xidmətə çağırışda və gənclərin hərbi xidmətə hazırlanmasında rayon icra hakimiyyətinin təşkilatçılığı, rayon gənclər və idman idarəsinin, rayon təhsil şöbəsinin iştirakı ilə səmərəli iş aparılır.
Giriş nitqindən sonra bütün dövrlərdə vətən uğurunda canından keçmiş soydaşlarımızın xatirəsi bir dəqiqəlik sükutla yad edilib. İştirakçılar Ümummilli lider Heydər Əliyevin Ordu quruculuğundakı ölçüyəgəlməz xidmətlərini əks etdirən filmə baxıblar. Müharibə, Əmək və Silahlı Qüvvələr Veteranları Birliyi İsmayıllı rayon filialının sədri, ehtiyatda olan polkovnik Əlaləm Babayev, Çağırışaqədərki hazırlıq fənni üzrə 6 saylı tam orta məktəbin müəllimi Əsgər Manafov, Qarabağ müharibəsi əlili, ehtiyatda olan zabit Kamil Dadaşov çıxışlarında Dövlət xidmətinin beş illik yüksəliş yolundan danışıb, rayon şöbəsinin əməkdaşlarını təbrik ediblər.
İsmayıllı Rayon İcra Hakimiyyətinin başçısı Mirdaməd Sadıqov Azərbaycan ordusunun formalaşması və qüdrətlənməsində, vətənə xidmətdə, cənab Prezident, Ali Baş Komandan İlham Əliyevin fərman və sərəncamlarının icrasında Dövlət xidmətinin yüksək uğurlarından danışıb. Rayon şöbəsinin timsalında Dövlət xidmətinin əməkdaşlarını təbrik edib.
Səfərbərlik və Hərbi Xidmətə Çağırış üzrə Dövlət Xidməti rəisinin Fəxri fərmanları rayon şöbəsinin əməkdaşlarına təqdim olunub.
İsmayıllı Rayon İcra Hakimiyyətinin başçısı Mirdaməd Sadıqova xidmətin 5 illiyinə həsr olunmuş kitab hədiyyə edilib.
İkinci Dünya müharibəsi veteranları Niyaz Ağayev və Həsənalı Aslanova pul mükafatı verilib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500

Short URL: http://www.cumhuriyyet.net/?p=88122

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:070 240 46 53
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Fevral 2017
BE ÇA Ç CA C Ş B
« Yan    
 12345
6789101112
13141516171819
20212223242526
2728