Gövhər Baxşəliyevaya qarşı plagiatlıq ittihamı

Xanım deputat  dünyasını dəyişmiş alimlərin fars dilindən
tərcümə etdikləri poemaları  arxivdən götürərək öz adına  çap edib, kitabın adını da “İlahi eşq dastanları” qoyub,
özünün işi kimi elmi hesabatlarına yazmışdır  

“Başqasının
işini öz adına çap etdirib və sonra onu Rəyasət Heyəti qarşısında şəxsi işi kimi
təqdim edib müxbir üzvlüyü iddiası qaldıran Gövhər Baxşəliyeva  vaxtilə Şərqşünaslıq İnstitutunun elmi
işçiləri olmuş mərhum Əbülfəz Rəhimovun (Əbdi Bəy Şirazinin “Məcnun və Leyli”)
və  Tahir Məhərrəmovun     (Əşrəf
Marağayinin “Eşqnamə”)   fars dilindən
tərcümə etdikləri poemaları    arxivdən götürərək öz adına 2001-ci ildə
“Maarif” nəşriyyatında çap edib, kitabın adını da “İlahi eşq dastanları” qoyub,
özünün işi kimi elmi hesabatlarına yazmışdır.   

Bu    mərhum alimlərinin xatirəsinə olan hörmətsizlik,
  Rəyasət
Heyətinin üzvlərini avam hesab edib onları riyakarlığa vadar etməkdir! Gənc
nəsil üçünsə bağışlanılmaz nümunəndir!   

Hörmətli
AMEA Rəyasət Heyətinin üzvləri, xahiş edirəm bu məsələni  müzakirə edib, ciddi qərar qəbul edəsiniz. Məlumatsızlıq
üzündən Rəyasət Heyətinin  çıxara
biləcəyi  müsbət qərar, Məhkəmənin
hökmündə riyakarlıq kimi səslənə bilər. Bu da Azərbaycan elminə qara
ləkədir və elmimizin dünya müstəvisində nüfuzuna ciddi zərər vura bilər.

Azərbaycan
Respublikası dövlət idarəçiliyinə dair əsasnamədə, Konstitusiya Məhkəməsinin və
Ali Məhkəmənin plenar iclaslarının müvafiq qərarlarında rəsmi olaraq göstərilir
ki, təqsirli bilinib məhkəmə məsuliyyətinə cəlb edilmiş şəxslərin    vəzifələrə namizəd kimi irəli sürülməsi qəti
qadağandır!

Onu
da əlavə edim ki, Gövhər Baxşəliyevanın şəxsiyyəti bir direktor kimi, Şərqşünaslıq
İnstitutunda işləyən Yeni Azərbaycan Partiyasının fəallarının rəyində də mənfi
xarakterizə edilir. Partiya fəalları onu həmişə Heydər Əliyev
ideallarına  hörmətsizlikdə, partiya
üzvlərinin elmi-siyasi nüfuzunun təhqirində, vəzifə təyinatlarında partiya
fəallarına  qarşı düşmən münasibətdə,
xarici vətəndaşlara qarşı riyakarlıqda  ittiham etmiş və bu barədə müvafiq orqanları
məlumatlandırmışlar.

Hörmətli
Rəyasət Heyəti üzvləri, xahiş edirəm qanunların aliliyini, ümummilli
liderimizin ədalət prinsiplərini, dövlət katibimizin təşəbbüsünü, ictimai rəyin
mənfiliyini nəzərə alıb, AMEA müxbir üzvlüyünə “Şərqşünaslıq” ixtisası üzrə
iddia ərizəsi vermiş prof. Gövhər Baxşəli qızı Baxşəliyevanın adının seçki
bülletenindən çıxarılması barədə qərar qəbul edəsiniz”. 

Short URL: http://www.cumhuriyyet.net/?p=8830