Ağstafada saxta əmək kitabçası qalmaqalı
Bu günlərdə Cumhuriyyet.az-a sözügedən
rayon sakinindən maraqlı məlumat daxil olub. Rayonda idarə və müəssisə
rəhbərlərinin yaxşı tanıdığı 17 saylı THTİ-nin müdiri Abış Əsgərov vətəndaşlara
2006-cı ilə kimi saxta əmək kitabçası yazmaqla məşğuldur. Adının çəkilməsini
istəməyən həmin şəxsin özü də Abış Əsgərova ilini 50 manata əmək kitabçası
yazdırıb.
Məlumatla əlaqədar Abış
Əsgərovun mobil telefonuna zəng etsək də o, telefona cavab vermədi. Abışın vətəndaşlara saxta iş stajı
yazmaqla hansı cinayət məsuliyyətini daşımasını , yəqin ki, özü də yaxşı bilir.
Bununla bağlı Ağstafada arxiv idarəsinin müdiri Cəmaləddin adlı şəxslə də əlaqə
saxladıq. O da məlumatın dəqiqləşdirilməsinə çalışacağını bildirdi.
Başqa bir mənbənin verdiyi
məlumata görə, bu məsələı xeyli vaxtdır ki, cərəyan edir. Pensiya fondunun Ağstafa rayon
şöbəsini müdiri Oktay Məsmalıyevin həmin məsələ ilə əlaqədar dəfələrlə Abış
Əsgərova xəbərdarlıq etdiyi söylənilir.
Qarşı tərəfin də fikrini dərc
etməyə hazırıq.
Short URL: http://www.cumhuriyyet.net/?p=8914
