Ermənilər Tovuz ərazisindən hücuma keçdi

Düşmən ordusu bu dəfə silahları Hacallı kəndinə tuşlayıb.
Sakinlərin Kəpəz tv – yə bildirdiyinə görə, səhər və axşam fasilələrlə kənd gülləboran edilib.Güclü atışmazamanı Hacallı kənd sakini güllə yarası alıb.
Ermənilərin atəş açması nəticəsində Hacallı kənd sakini 30 yaşlı Elnur Quliyev qolundan güllə yarası alıb. Fiziki qüsurlu olan sakin kəndin düşmən postlarına yaxın ərazisində hündür təpəyə çıxarkan ona atəş açılıb. Yaralı dərhal valideynlərinin köməkliyi ilə Tovuz Mərkəzi rayon Xəstəxanasına çatdırılib.
Axşam saatlarından isə Əlibəyli və Hacallı kəndlərinin düşmənlə sərhəddə yerləşən otlaq sahələrində yanğınlar törədilib. Ermənistan silahlılarının yandırdığı sahələr saat 01-30 radələrinə qədər alovlanıb.Gecə saatlarında havanın küləkli olması isə yanğının yaşayış məntəqlərinə tərəf yan almasına şərait yaradıb. Bundan başqa düşmənlərin atəşi nəticəsində Əlibəyli kənd sakini Abdulla Ələsgərovun həyətindəki iribuynuzlu heyvan da tələf olub.
Qeyd edək ki, son günlər düşmən ordusu cəbhə xəttində fəallaşıb. Bir neçə gün öncə də Tovuzun Əlibəyli kəndində 3 dinc sakin düşmən gülləsinə tuş gələrək yaralanıb.

 

***

 

Ermənilər Azərbaycan-Ermənistan sərhədinin Tovuz rayonunun Əlibəyli kəndi istiqamətindəki neytral zonada yanğın törədiblər.
Dünən 16.00 radələrindən başlayan yanğın indiyə qədər davam edir. Əlibəyli kənd sakinləri, son zamanlar belə yanğınların  tez-tez törədildiyini və nəticədə həmin ərazilərdə mina partlayışlarının baş verdiyini bildiriblər. Sakinlərin sözlərinə görə, belə yanğınlardan sonra zərərvericilərin kəndə axını başlayır.