Ermənilərin media yalanı

 

ANS PRESS-in məlumatına görə, bu informasiyanı Ermənistan müdafiə
nazirliyinin mətbuat xidmətinin rəhbəri Arçrun Ovannisyan mediaya
ötürüb. Onun iddiasına görə, guya Azərbaycan ordusunun diversiya qrupu
iyul ayının 1-də saat 15.00 radələrində Ermənistan sərhədini keçərək
Tavuş rayonunun Ayqedzor kəndinə hücum ediblər. Bildirilir ki,
azərbaycanlılar erməni mövqeyini mühasirəyə alaraq onları məhv etmək
istəyiblər. 

Ermənistan müdafiə nazirliyinin rəsmisi ölən və yaralananlar haqda məlumatın olmadığını deyir.

Xəbərdən gördüyünüz kimi ermənilər növbəti dəfə Azərbaycana qarşı
informasiya müharibəsinə başlayıblar. Dünən erməni mətbuatı xəbər
yaymışdı ki, onlar Azərbaycanın Qazax rayonunu işğal edərək Tavuş
rayonuna birləşdirmək istəyirlər. İndi isə Azərbaycan ordusunun
diversiya qrupunun hücumundan yazırlar. 

Maraqlı məqam isə budur ki, birincisi Azərbaycan ordusunun
diversiya qrupu mühasirəyə aldığı ərazidən heç kəsi sağ buraxmaz. Belə
bir əməliyyatı Azərbaycanın Milli Qəhrəmanı Mübariz İbrahimov təkbaşına
həyata keçirmişdi. Onda xeyli sayda erməni əsgəri həlak olmuşdu.
İkincisi isə Azərbaycan ordusu atəşkəs rejiminə həmişə riayət edir və
heç vaxt kənar ölkənin ərazisinə daxil olmaz.

Azərbaycan dünən də, bu gün də bəyan edib və sabah da bəyan edəcək
ki, yalnız Dağlıq Qarabağın və onun ətrafında işğal edilmiş ərazilərin
azad edilməsi əməliyyatına başalyacaq. Lüzumsuz yerə başqa bir ğölkənin
toprağına qoşun yeritməz. Düzdür, ermənilərin yaşadıqları indiki
ərazilər də nə vaxtsa Azərbaycanın olub. Böyük siyasi oyunların
nəticəsində o torpaqlar Ermənistana hədiyyə edilib. 

Ölkə prezidenti İlham Əliyev və digər rəsmilər də dəfələrlə deyib
ki, Qafqaz bölgəsində ikinci erməni dövlətinin yaradılmasına imkan
verilməyəcək. Təbii ki, lazım gələrsə, Ermənistana hədiyyə edilmiş o
torpaqların da azad edlməsi reallaşacaq.