Bu günün Ulduz falı

Cumhuriyyet.az dünyanın nüfuzlu və məşhur ulduz
falları portalları “Horoscope” və “Astrology”yə istinadən bu günün
qoroskopunu təqdim edir. 

Qoç – səhər saatlarından etibarən işlərə ciddi yanaşın, süst və ətalətli
olmayın. Yaxın ətrafınızdakı insanların problemlərini qulaqardına
vurmayın. Yaradıcılıq potensialınızın səviyyəsi yüksəkdir. Yeni
fəaliyyət sahələrində uğurlar əldə edə bilərsiniz.

Daha
təcrübəli həmkarlarla birgə fəaliyyət və işgüzar tərəfdaşlarla layihəni
həyata keçirmək üçün əlverişli zamandır. Təcrübəli insanlarla təmaslar,
onların təcrübəsi faydalı ola bilər.

Günün ikinci yarısının
emosional fonu əlverişli deyil. Görüşlər planlaşdırmaq məsləhət deyil.
Rəğbət bəsləmədiyiniz insanlarla aktiv ünsiyyətdə olmayın. Yaşlı
qohumlarla münasibətlərdə problemlər yarana bilər.

 

Buğa – gün uğurludur. Qarşınızda yeni imkanlar yaranır. Yaxın perspektivlə
bağlı planlar hazırlayarkən situsiyanı və dəyişən olayları nəzərə alın.
İstedad və bacarıqlarınızdan yetərincə faydalanmaq olar. Qüvvə və
səylərinizi kiçik, məntiqsiz işlərə sərf etməyin. Detallarla
təfərrüatlara fikir verin. Təşkilati məsələlərin öhdəsidən asanlıqla
gələ bilərsiniz.

Liderlik məziyyətlərinizi nümayiş etdirin.

Maliyyə
məsələlərində uğur qazana bilərsiniz. Şəxsi münasibətlərdə təşəbbüskar
olun. Mühüm saydığınız problemi sevdiyiniz insanla müzakirə edə
bilərsiniz.
 

Əkizlər – məqsədə aparan
yolda qətiyyətli və iradəli olun. Səyləriniz az sonra nəticəsini
verəcək. Yaxın ətrafınızdakı insanlarla münasibətlərdə diqqətli,
qayğıkeş olun. Tərəfdaş və həmkarlarınızın məsləhətlərinə qulaq asa
bilərsiniz. Yeni tanışlıqlar ciddi münasibətlərlə sonuclanmayacaq.

Qohumlarınızla
münasibətlərdə fikir ayrılıqlarını aradan qaldırın. Son vaxtlar
münaqişə həddində olduğunuz insanlarla təmasları normallaşdıra
bilərsiniz. Alış-veriş üçün əlverişli zamandır. Uzaq səfər və
səyahətlərdən imtina edin. Yolda çox vaxt keçirməyin.

 

Xərçəng – mühüm işə və ya layihəyə başlamaq üçün əlverişli gündür. Böyük ümid
bəslədiyiniz layihəni reallaşdırmaq üçün ilk addım atmaq zamanıdır.
Peşəkar fəaliyyət sahəsindəki uğurlar təsadüfi deyil. Onlar əvvəllər
başladığınız işlərin məntiqi nəticəsi, səylərin qanuni davamıdır.

İş yerində irəliləyiş istisna deyil. Maraqlı işgüzar təkliflərin alınması mümkündür. Gəlirlər artacaq.

Uzun
müddətdən bəri dil tapmadığınız insanla münasibətləri qaydaya salaraq
rəvanlaşdıra bilərsiniz. Sonsuz güzəştlərə getməyin, bəyənmədiyiniz
məsələ ilə bağlı müzakirələrdə deyilənlərlə dərhal razılaşmayın.

Sadəcə, düşündüyünüzü deyin. Sizi anlayacaqlar.

 

Şir – maraqlı və ya gərəkli saydığınız işlərlə sakitcə məşğul ola
bilərsiniz. İşdə həmkarlar və rəhbərliklə münasibətlər normal, harmonik
ola bilər. İndiyədək sizə tam laqeyd yanaşan insanlar fəaliyyətinizlə
maraqlanacaqlar. Hədiyyələr, kiçik gəlirlər istisna deyil. Əks cinsin
mənsubu ilə ünsiyyətdə diqqətli olun.

Günün ikinci yarısı
çətin dövrdür. Yaşam tonusunun səviyyəsi azalacaq. Özünüzü yorğun hiss
edəcəksiniz. Başladığınız işləri yarımçıq qoymayın. Axşam saatlarında
normal istirahət edin. Qüvvənizi bərpa edin.

 

Qız – işgüzar layihələrin reallaşdırılması və şəxsi münasibətlərdəki
problemlərin həlli üçün  əlverişli gündür. İşdə həmkarlarla söhbətlərdə
ciddi problemlər yarana bilər. Yaxınlarınızın dediklərinə diqqətlə qulaq
asın. Etibarlı, sınanmış müttəfiqlər saydığınız insanların sizə xəyanət
etdiklərini düşünə bilərsiniz. Anlaşmalar və sövdələşmələr, iş yerinin
dəyişdirilməsi üçün əlverişli zaman deyil. Aldığınız məlumatları, gələn
informasiyaları diqqətlə təhlil edin. Xəbərləri yoxlayın. Kimsə sizi
aldadır, yanlış məlumatlar verərək çaşdırmağa çalışır.

Planlaşdırılmamış
səfərlər istisna deyil. Yaranan maliyyə problemləri ilk baxışda
göründüyündən daha ciddidir. Çətinlikləri qısa müddətdə həll edəcəyinizi
düşünməyin.

 

Tərəzi – məhsuldar
fəaliyyət üçün əlverişli zamandır. Karyerada irəliləyiş, gəlirlərin
əhəmiyyətli dərəcədə artırılması istisna deyil. Daha çox pul qazanmaq
üçün titanik səylər göstərməyə ehtiyac yoxdur. Yeni müttəfiqlər
tapacaqsınız. Nüfuzlu şəxslə danışıqlarda diqqətli olun. Aldığınız
məsləhətlərdən faydalanın.

Yeni tanışlıqlar, işgüzar görüşlər
və romantik təmaslar üçün münasib zamandır. Münasibətlərin dinamikası
yüksək səviyyədədir. Pozitiv emosiyalar əldə edəcəksiniz. Ailə
üzvlərinin qayğısına qalın. Qohumlarla münaqişəni çözə bilərsiniz.
 

Əqrəb – planları sürəkli dəyişməli olacaqsınız. Gün gözlənilməz hadisələr vəd
edir. Yaşananları dərhal real dəyərləndirmək asan deyil. Dəyişikliklər
və yeniliklər müsbətdir. Müstəqil çalışın. Problemlərin həllinə yaradıcı
yanaşın. Yeni istiqamətdə, işdə qüvvənizi sınayın.

Macəra
aramayın, riskli işlərə qatılmayın. Romantik münasibətlərə səbəb ola
biləcək maraqlı tanışlıq istisna deyil. Təmasların və ünsiyyətin
ciddiliyi sizdən asılıdır.
 

Oxatan –
yetərincə maraqlı olmayan gün olsa da, yarımçıq işləri başa vurmaq olar.
Qeyri-adi, mürəkkəb işlərə başlamaq olar. Nəzərdə tutduğunuz
məsələlərin həllini qısa müddətdə reallaşdırmaq asan olmasa da, məqsədə
çata biləcəksiniz. Uğur bir qədər gec olsa da, sizin olacaq.

Nüfuzlu insanlarla ünsiyyət üçün münasib zamandır. Belə şəxslərin dəstəyini ala bilərsiniz.

Romantik
görüşlər pis keçməyəcək. Rəğbət bəslədiyiniz insanlarla bir araya
gələndə səmimi, qayğıkeş olun. İmiclə eksperimentlər uğurlu olacaq.

 

Oğlaq – ünsiyyətdə problemlər yarana bilər. Ən önəmsiz məsələ, xırda
təfərrüat və ya nəsnəyə görə münaqişə yarana bilər. Ünvanınıza səslənən
iradlara, tənqidlərə aqressiv reaksiya verməyin. Konstruktiv tənqiddən
inciməyin.

İşdə rəhbərliklə münasibətlərdə problemlər yarana bilər.

Günün
ikinci yarısında sizi narahat edən məsələ ilə bağlı xəbər ala
bilərsiniz. Sakit, soyuqqanlı, təmkinli davranın. Situasiyanı
araşdırmağa, yaşanan olayların məzmununu anlamağa çalışın. Olayların
məcrasına təsir etmək, hadisələri sizə sərfəli istiqamətə yönəltmək
imkanları var.

 

Dolça –
illüziyalara qapılmayın, fantaziyanın əsiri olmayın. İşlərin real
durumunu dəqiq qiymətləndirin. Praktiki məsələlərin həlli maraqlıdır.
Xoşagəlməz məlumatlar ala bilərsiniz. Həmin xəbərlər sizi planlarda
dəyişikliklər etməyə, əvvəlcədən təyin olunmuş görüşləri təxirə salmağa
vadar edə bilər.

Səfərə və ya səyahətə çıxmaq məsləhət deyil.
Romantik təmaslar uğurlu olmayacaq. Sevdiyiniz insanla münasibətlərdə
sərinlik yaratmayın. Müdrik olun. Yaxınlarınızın ünvanına kəskin iradlar
bildirməyin, aqressiv olmayın.

 

Balıqlar – narahatlıq və nigaranlıq üçün səbəblər var. Amma nikbin olun.
Problemlər fəlakətli deyil. Çətinlikləri az sonra unuda bilərsiniz.
Bədxahlar və rəqiblərinizin bütün səylərinə rəğmən peşəkar fəaliyyət
müstəvisində irəliləyişə nail olacaqsınız. Məqsədə aparan yoldakı
sədləri dəf etmək üçün qeyri-standart həllər və orijinal qərarlar
gərəkdir. İşgüzar danışıqlarda qətiyyətli olun, iradəsiz davranmayın.
Qarşı tərəfin arqumentlərini diqqətlə dinləyin.

Məğlubiyyətlə dərhal barışmayın.

Hüquqi
və maliyyə məsələlərin həlli üçün əlverişli gündür. Emosiyaların əsiri
olmayın. Kimsəyə imkan verməyin ki, sizinlə manipulyasiya etsin. Bəzi
insanlar sizi laqeyd, soyuqqanlı saysalar da, diqqətli olun. Güclü
hisslər gözləməyin.