Sabirabadda saqqalı qırxılan şəxs:

Bir neçə gün qabaq Sabirabadda saqqalı zorla qırxılan Cavanşir
Zərbəliyev “İstiqamet.com” saytına münaqişənin necə yarandığını deyib:
“Gilasın qiymətini soruşan zaman bir nəfər qolumdan tutub məni
hədələməyə başladı. Sonra digərləri üstümə düşdü. Məni döyməyə, təhqir
etməyə başladılar. Saqqalımı qırxdılar. Nə qədər and-aman etdim xeyri
olmadı. Hamının gözü qarşısında mənə qarşı qeyri-insani hərəkət etdilər.
Onların bu hərəkəti hansı təriqətdən olursa-olsun heç bir müsəlman
əhlinə yaraşmır”.
C.Zərbəliyev onu da bildirdi ki, onu təhqir edən
şəxs həbs olunub: “Mən bildiyim qədər Daxili İşlər Nazirliyinin
rəhbərliyi məsələyə qarışıb. Hər kəs öz əməlinə görə qanun qarşısında
cavab verməlidir”.