Icra başçısının 8-ci km. sakinlərinə etirafı
Bakının Nizami rayonu, C.Naxçıvanski küçəsindəki 38, 40 və 42 saylı
binaların sakinləri Heydər Əliyev Fondunun prezidenti Mehriban Əliyevaya
ünvanladıqları məktubun surətini “Azadlıq”a da göndəriblər. Sakinlər
məktubda yaşadıqları ərazidə “ağac soyqırımı”ndan bəhs edirlər:
“Yaşadığımız 8 bloklu 9 mərtəbəli bina ilə 8-ci km. bazarı arasındakı
100-ə yaxın çoxillik meyvə və bəzək ağacları məhv edilir. Bəzi
işbazlar 8-ci km. bazarında qanunsuz tikililər və tikilməkdə olan digər
obyektlərini Meyriban Əliyevanın adıyla bağlayırlar. Bizim binalarla
bazar arasında 1975-ci ildə salınmış yaşıllığı məhv edirlər. Bazar
rəhbərliyi həmin ərazini binadan 4 metr məsafə saxlamaqla bazara
birləşdirmək istəyir. Bazarda dəfələrlə güclü yanğınlar baş verib, 38
saylı binanın saiknlərinin həyatına təhlükə yaranmaqla yanaşı, həm də
onlara külli miqdarda maddi ziyan dəyib. Nizami rayon icra başçısının
qəbulunda olub problemimizi ona yazılı şəkildə təqdim etmişik. Icra
başçısı bildirdi ki, qanunsuz obyektlər yüksək vəzifəli məmurların
himayəsilə inşa edildiyindən, problemin həllində bizə kömək etməkdə
acizdir.
Bina sakinlərinin rahatlığının pozulmasının və yaşıllıq zolağının məhv edilməsinin qarşısının alınmasında bizə kömək edin”.
Short URL: http://www.cumhuriyyet.net/?p=9661
