Günün qoroskopu: hədiyyə alacaqsınız

 

 

Cumhuriyyet.az dünyanın nüfuzlu və məşhur ulduz
falları portalları “Horoscope” və “Astrology”yə istinadən bu günün
qoroskopunu təqdim edir

Qoç –
istənilən işi sürətlə, maraqla görsəniz, yaxşı nəticə əldə edəcəksiniz.
Təxəyyülü işə salın. Yaradıcılıq potensialınızın səviyyəsi yüksəkdir.
Praktiki işlərə üstünlük verin. İndiyədək vaxt azlığından başlaya
bilmədiyiniz işləri reallaşdırmağa can atın.

Adi günlərdən
fərqli olaraq daha eqoist davranmayın. Yaxın ətrafınızdakı insanların
maraq və mənafelərinə fikir verin. Sevdiyiniz insanla təmaslarda
qayğıkeş olun.

 

Buğa – nə işlə
məşğulsunuzsa – ehtiyatlı olun. Yol verə biləcəyiniz səhv sonradan ciddi
problemlər yarada bilər. Sayıq, sərvaxt olun. Yardım istəməkdən,
məsləhət üçün etibarlı insanlara üz tutmaqdan çəkinməyin. Mənəvi də
olsa, dəstəyə ehtiyacınız var.

Ünsiyyətdə yaranan fikir
ayrılıqlarına sakit yanaşın. Hər şey barədə dil tapmaq olar. Sadəcə,
səbrli olun. Kulinar eksperimentlərdən boyun qaçırın. Qida allergiyası
yarana bilər. Maliyyə durumu əlverişlidir.

 

Əkizlər – istirahət və əyləncə barədə fikirlərə qapılmayın. Çətin işi birlikdə
görmək daha məsləhətdir. Məsləhətçiləriniz nə qədər çox olarsa, bir o
qədər yaxşıdır. Alış-verişdə bədxərclik etməyin. Məsrəfləri azaltmağa
çalışın.

Günün ikinci yarısı çətin, qarışıq zamandır. Etibar
etdiyiniz insanda yanıla bilərsiniz. Layiq olmayan insanlarla uzun-uzadı
danışmayın. Sevdiyiniz insanla keçirdiyiniz zamanı darıxdırıcı
saymayın.

 

Xərçəng – yalnız
planlaşdırılmış işlərlə məşğul olun. Aldığınız təkliflər nə qədər
maraqlı və cazibədar təsir bağışlasa da, onları düşünmədən qəbul
etməyin. Bir zamanlar işlərinizə mane olan, sizə problemlər yaradan
insan sizinlə danışmaq istəyir. O, günahının bağışlanmasını istədiyini
deyəcək. Lakin bu adamla ünsiyyət sizə yaxşı heç nə vəd etmir.

Ailədə
problemlər ola bilər. Yaxınlarınızla dil tapmaq çətindir. Bir müddət
tək qalın, maraqlandığınz işlə məşğul olun. Əsəblərinizi bu minvalla
sakitləşdirə bilərsiniz.

 

Şir –
qarşınızda yeni üfüqlər açılır. Çoxdan bəri qarşınıza qoyduğunuz məqsədə
çata bilərsiniz. İndiyədək haqlı olduğunuza şübhələnən insanları da
arxanızca apara bilərsiniz. Həmfikirlər sizə rəğbət bəsləyirlər.

Bu
hisslərin izharı xoşunuza gəlməyə bilər. Yaxınlarınızın bəziləri sizi
sinirləndirəcək, məyus edəcək addımlar atacaqlar. Yaşam potensialının
səviyyəsi yüksəkdir. Əhvalınız pis olmayacaq.

 

Qız –
çox uğurlu gündür. Əhəmiyyətli gəlir və dəyərli hədiyyə ehtimalı var.
Köhnə tanışlardan alınacaq xəbərlər sizi sevindirəcək. Dəyər verdiyiniz
insanlardan biri ilə təsadüfi görüş əhvalınızı yaxşılaşdıracaq.
Anlaşılmazlıq ucbatından əskilmiş dostluq və romantik əlaqələrin bərpası
mümkündür.

İmiclə eksperimentlər üçün münasib zamandır.
Özünüzlə bahəm, ətrafınızdakı insanlara yenidən baxın. Sizin üçün çox
işlər görmüş insanı layiqincə dəyərləndirin.

 

Tərəzi –
peşəkar fəaliyyətlə bağlı məsələlərin qeyri-formal şəraitdə müzakirəsi
üçün əlverişli zamandır. Maraqlarınızı bölüşən insanlarla bir sıra
məsələləri təhlil edin. Həyata keçiriləcəyi təqdirdə yaxşı gəlir vəd
edən biznes-ideyalar var.

Alış-veriş üçün pis gün deyil.

Şəxsi
münasibətlərdə müsbət təmayüllərin təsiri güclənir. Hadisələrin
inkişafından narazı qalmayacaqsınız. Təşəbbüskar ola bilərsiniz. Yaşam
potensialınızın səviyyəsi yüksəkdir.

Axşam saatlarında aktiv istirahəti seçin.

 

Əqrəb – tələsməyin, vurnuxmayın. Situasiyanın ağırlaşması sizi təlaşa
salmasın. Yaxın ətrafınızdakı insanları tələsdirərək onlarda qıcıq
yaratmaq əvəzinə olayların ritminə uyğunlaşmağa çalışın. Köhnə dostlarla
dil tapmaq çətin deyil. Onlar mövqeyinizi bölüşməsələr də, münaqişəyə
səbəbkar olmayın.

Yeni tanışlarla səbrli davranın. Onlar sizinlə razılaşmayanda kəskin mübahisəyə başlamayın.

Sevdiyiniz insanla xüsusilə diqqətli, qayğıkeş olun.

Axşam saatlarını ailədə, yaxınlarınızla keçirin.

 

Oxatan – çoxdan bəri qarşınıza qoyduğunuz məqsədə doğru əhəmiyyətli addımlar
atmaq, son zamanlar sizi maraqlandıran suallara cavab almaq üçün
əlverişli gündür.

Amma bunun üçün xeyli qüvvə və vaxt sərf etməli olacaqsınız. Günün ikinci yarısında yorulacaqsınız. Fiziki iş ağır olmamalıdır.

Şəxsi
münasibətlər baxımından uğurlu gündür. Sizi xoş sürprizlər gözləyir.
Romantik görüş pis keçməyəcək. Yeni tanışda özünüzlə bağlı xoş təəssürat
yaratmağa çalışın. Yaxınlarınızdan biri sizə hədiyyə verəcək.

 

Oğlaq – işgüzar aktivlik səviyyəsinin aşağı düşəcəyi gündür. Mühüm
məsələlərin həlli üçün münasib zaman deyil. Buna rəğmən aktiv olun,
yaranan problemləri vaxtında həll etməyə çalışın. Fəaliyyət arealının
dəyişməsi və ya şəraitin yenilənməsində xeyir var. Yeni ideyalar sizi
sevindirəcək.

Günün ikinci yarısında pozitiv emosiyalar az
olmayacaq. Yaşam potensialının səviyyəsi yüksəkdir. Enerjili, nikbin
davranın. Alış-verişə çıxmaq olar.

 

Dolça – maraqlı işlər çox olacaq. Darıxmayacaqsınız. Məqsədə çatmaq üçün
aktiv olun, süstlük etməyin. Yaxın zamanlar üçün planlaşdırılmış səfərə
gərəkli əşyalar alın. Cəsur ideyalarınızdan biri sizi sevindirə bilər.

Günün
ikinci yarısında yaxınlarınızla aranızda mübahisələr yarana bilər.
Onlar köhnə səhvləri xatırladacaqlar. Mənfi emosiyaları nümayiş etməyin.
Yaşananlar sizi ruhdan salmasın.

Axşam saatlarında səhhətinizdə kiçik problemlər yarana bilər.

 

Balıqlar – sakit, başgicəlləndirici uğurlar və ya fəlakətli məğlubiyyətlər vəd
etməyən gündür. Əhvalınızı pozmayın. Dostlarla görüş pozitiv emosiyalar
bəxş edəcək. Son vaxtlar sizi narahat edən problemdən danışın. Yardım və
ya dəstək ala bilərsiniz. Xoş sürprizlər, yaxşı tanımadığınız
insanlardan hədiyyələr istisna deyil.

Ailə münasibətlərinin
harmonik olmasına çalışın. Münaqişələr yaratmayın. Başladığınız işlərdə
yaxınlarınız sizə dəstək olacaqlar. Uzunmüddətli səfərə yollanmaq
məsləhət deyil. Sükan arxasında çox vaxt keçirməyin.

Əhvalınız pisləşə bilər.