Ukraynada vurulan "Boeing"in bir hissəsi yoxa çıxıb
ATƏT-in hazırda Ukraynada olan nümayəndələri Malayziyanın
Donetsk səmasında rusiyapərəst separatçılar tərəfindən raketlə vurulan
“Boeing-777” sərnişin təyyarəsinin bir hissəsinin yoxa çıxması faktını
qeydə alıblar.
Virtualaz.org saytı Ukrayna nəşrlərinə istinadən
xəbər verir ki, ATƏT-in nümayəndələri faciənin baş verdiyi ərazidə içi
meyitlə dolu üç furqon görüblər. Amma onların içində neçə cəsədin olduğu
bilinmir.
ATƏT-in Ukraynadakı missiyasının mətbuat katibi Maykl Botsyurko
keçirdiyi birifinqdə bildirib ki, “Boeing-777″nin bir hissəsi təyyarənin
düşdüyü yerdə aşkar olunmayıb: “Biz təyyarənin parçalarının fəlakət
zonasında olmadığını gördük. ATƏT bu faktı sənədləşdirəcək. Biz həmçinin
meyitlərin sayını bilmirik. Ətraf ərazidə hələ də meyitlər var,
xilasedicilər hələ də cəsəd toplamaqla məşğuldur”.
Short URL: http://www.cumhuriyyet.net/?p=9846
