Leyla Yunus İlham Əliyevə yol göstərdi
“Tarixdə ölkəsini qana bulayan diktator və tiran kimi deyil, tolerant və praqmatik siyasətçi kimi qalmaq olar”
Sülh və Demokratiya İnstitutunun direktoru Leyla Yunus ölkə başçısı İlham Əliyevə müraciət edib. Müraciətdə deyilir:
Cənab prezident,
Bəsdir vahimələndiniz. Sizi gerçək olaraq izahedilməz qorxu və
həyacan basıb. Nədən belə qorxursunuz? Doğrudamı bu gənclər – blogerlər,
NİDA fəalları hakimiyyətinizə belə təhlükə yaradır ki, hər gün yeni
gənclər həbs olunur?!
Siz bilirsiniz onların valideynləri hər saat yaxınlarınıza nələr arzu edir?
Parlaq ziyalılar olan Yadigar Sadıqlı və Həsən Hüseynli “xuliqan” oldu!
Müxtəlif ölkələrin və xalqların tarixində analoji yaxud daha sərt repressiyalar təkrarlanıb. Nəticə birdir.
Bəli, nəhəng inzibati resurs, HEÇ BİR məhdudiyyəti olmayan hakimiyyət,
böyük pullar var. Ancaq bununla yanaşı yanınızda intellektdən məhrum,
yalnız maddi rifahlarının qayğısına qalan yaltaq oğrulardır. Belə
adamlar sadiq dost ola bilməz. Onlar ilk təhlükədə nəinki Sizi satacaq,
eyni zamanda prezident kreslosu uğrunda mübarizədə qardıdurmada olan
qruplaşmaların hansını dəstəkləməli olduğunu götür qoy edəcəklər. Bunu
mənim kimi Siz də yaxşı bilirsiniz.
Bu sadəcə çöz deyil: “Yüz manatın olmaqdansa, yüz dostun olsun”. Dost
sənin bayramlarında rəqs edən adam deyil. Dost – rejiimin zəncirli
itləri üsütnə cumanda yanında olan, çiyin çiyinə dayanan, səninlə birgə
parçalanmaqdan qorxmayandır. Sizə yazığım gəlir. Siz heç vaxt əsl
dostluğun nə olduğunu bilməmisiniz.
Özünüzü ələ alın. Dayanmaq heç vaxt gec deyil. Yalnız o dünyadan dönüş yoxdur.
Emosiyalara qapılıb Sizi qıcıqlandıranlara, öz əllərinizlə boğmaq istədiklərinizə divan tutmağı tələb etmək lazım deyil.
Düşünün, axı tarixdə ölkəsini qana bulayan diktator və tiran kimi deyil, tolerant və praqmatik siyasətçi kimi qalmaq olar.
İndi, bu gün göstərişinizlə həbs edilən BÜTÜN günahsızları azad edin.
Seçim Sizindi…
Leyla Yunus
Short URL: http://www.cumhuriyyet.net/?p=10214
