Abbas Abbasovun “AzerRos”dan uzaqlaşdırılmasına başlandı

Moskvada fəaliyyət göstərən “AzerRos” təşkilatının Federal
Şurasının iclası keçirilib. Musavat.com xəbər verir ki, iclasda çıxışlar
Abbas Abbasova və onun təşkilatdakı adamlarına qarşı yönəlib.

Şuranın üzvü Nizami Bəşirov “AzerRos”un fəaliyyətindən danışarkən
bildirib ki, Federal Şuranın sədri Mehriban Sadıqovanın əməlləri
təşkilatın nizamnaməsi ilə ziddiyyət təşkil edir. Onun sözlərinə görə,
Mehriban Sadıqova Federal Şuranın yox, Ağsaqqallar Şurasnın sədri Abbas
Abbasovun göstərişlərini yerinə yetirir. 

Nizami Bəşirov bəyan edib ki, Abbas Abbasov Azərbaycan vətəndaşıdır
və “AzerRos”un Ağsaqqal Şurasına rəhbərlik etmək hüququ yoxdur. Çıxışdan sonra Abbas Abbasovanın adamı kimi tanınan Mehriban
Sadıqovanın Federal Şuranın sədri vəzifəsindən uzaqlaşdırılması təklifi
səsə qoyulub və qəbul edilib. Qərarın əleyhinə yalnız “AzerRos”un
vitse-prezidenti Yusif Xıdırov səs verib. Federal Şuranın sədri
vəzifəsinə Nizami Bəşirov seçilib. 

Qeyd edək ki, iclas Abbas Abasovun iştirakı olmadan keçirilib. O,
yanvarın 17-də “AzerRos”un qurultayının keçirilməsinə qarşı çıxır.