Böyük Britaniyadan hakimiyyətə etiraz
“Azərbaycanı ədalət prinsiplərinə hörmət etməyə və narahatedici tendensiyanı dəyişməyə çağırırıq”
Böyük Britaniyanın Xarici İşlər Nazirliyi hüquq müdafiəçisi Anar
Məmmədliyə son məhkəmə hökmünə dair bəyanat yayıb. Xarici İşlər
Nazirliyi Azərbaycanı vətəndaş cəmiyyətinin roluna hörmət etməyə
çağırıb.
Bəyanatda deyilir ki, mayın 26-da Bakıda üç vətəndaş
cəmiyyəti fəalına cəza kəsilməsi ölkədə vətəndaş cəmiyyətinə təzyiqlərdə
narahatlıq yaradan cərəyandır. Öncə NİDA-çı gənclərə və siyasi
müxalifət fəallarına məhkəmə cəzaları kəsilib.
Xarici İşlər Nazirliyinin sözçüsü deyib:
“Xarici
İşlər Nazirliyi Anar Məmmədli, Bəşir Süleymanlı və Elnur Məmmədova iş
kəsilməsindən dərin məyusluq keçirir. Bu iş çoxlarının Azərbaycanda
hüququn aliliyinin seçimlə tətbiqi sarıdan narahatlığını bir daha üzə
çıxardı. Müstəqil seçki müşahidəçiləri demokratik cəmiyyətin inkişafına
mühüm rol oynayır və onların öz işini təhdid qorxusu olmadan davam
etdirilməsinə şərait yaradılmalıdır. Böyük Britaniya Azərbaycanı ədalət
prinsiplərinə hörmət etməyə və bu narahatedici tendensiyanı dəyişməyə
çağırır”.
Short URL: http://www.cumhuriyyet.net/?p=7578
