Zahid Oruc İlham Əliyevin diplomatiyasına inanmır
23.06.2014 - 23:56
Deputat müharibənin anonsunu verdi
Deputat müharibənin anonsunu verdi;”Ermənilər müharibənin Naxçıvandan başlayacağını düşünürlər”“Həm siyasi, həm də iqtisadi imkanları yüksək olan Naxçıvan ermənilərə qarşı öldürücü zərbə vurmağa qadirdir”.
Bu sözləri Axar.az-a açıqlamasında millət vəkili Zahid Oruc deyib. Millət vəkilinin sözlərinə görə, ermənilərin Naxçıvana hücumu haqqında informasiyalar xeyli ziddiyyətlərlə və düşmən tərəfin marağını əks etdirən spekulyativ məlumatlarla doludur: “Son beş ayda Ermənistanın Azərbaycana qarşı siyasətində fərqli mövqe müşahidə olunur. Ermənistan tərəfi Azərbaycan Silahlı Qüvvələrindəki təyinatlardan sonra taktika dəyişkənliyinə əl atıb. Onlar Naxçıvandan Tovuza qədər əhatə dairəsində təxribatçı tədbirlər görürlər. Bu o deməkdir ki, onlar ölkəmizin hərbi sisteminin inkişafına, koordinasiya olunmasına hər cür vəchlə zərbə vurmaq istəyirlər”.
Zahid Orucun sözlərinə görə, Azərbaycanın Naxçıvanda apardığı hərbi siyasət ermənilərdə fərqli fikirlər formalaşdırıb və çox güman ki, onlar Azərbaycanın ikinci Qarabağ müharibəsini Naxçıvandan başlayacağını düşünürlər.
Short URL: http://www.cumhuriyyet.net/?p=8807
