Cavid Qurbanovun əmisi müəmmalı kürd qəsəbəsinin himayədarı rolunda

qəzetinin redaksiyasına Xaçmaz rayonunun Xraxoba kəndi ilə bağlı şok
informasiya daxil olub. Daxil olan məlumatda bildirilir ki, son zamanlara qədər
Rusiya vətəndaşlarının yaşadığı və anklav ərazi sayılan Xaçmazın Xraxoba
kəndinə kütləvi şəkildə kürd ailələri yerləşdirilib.
Məlumat üçün bildirək ki, Xraxoba kəndi 1954-cü ildə SSRİ Nazirlər Kabinetinin
qərarıyla müvəqqəti olaraq Dağıstanın nəzarətinə verilib. 1984-cü ildə isə
Azərbaycan SSR Nazirlər Kabineti icarə müddətini 2004-cü ilə qədər uzadıb. 6 il
ərzində həllini tapmayan bu məsələ 2010-cu ilin sentyabrında Azərbaycan
prezidenti İlham Əliyevlə Rusiya prezidenti Dmitri Medvedev arasında keçirilən
görüşdə çözülüb və adıçəkilən kəndlər Azərbaycanın ərazisi kimi qəbul edilib.
Bundan sonra Azərbaycan Respublikası Milli Məslisinin qərarı ilə Xraxobanın adı
dəyişdirilərək Palıdlı olub. Bütün bu dəyişikliklərdən sonar isə həmin kənddə
yaşayan Rusiya vətəndaşları tədricən buranı tərk etməyə başlayıb. Əldə
etdiyimiz məlumatda isə boşalmış həmin kəndə kütləvi şəkildə kürdlərin
yerləşdirildiyi qeyd olunur. Məlumata görə, bu gün kürdlərin Palıdlıda
məskunlaşması qeyd olunacaq və necə deyərlər, kəndin açılış mərasimi təşkil
ediləcək. Dövlət Sərhəd Xidmətinin rəisi, general Elçin Quliyevin də həmin
tədbirlərə qatılacağı gözlənilir. Məlumat üçün bildirək ki, Xraxoba, indiki
Palıdlı kəndi yaşıllıqlar içərisindədir. Yalnız bu kəndə yaxınlaşanda buranın
yaşayış yeri olduğunu görmək olur.

“Azadlıq” radiosunun sözügedən qəsəbədən reportajını
diqqətinizə çatdırırıq.