Məktəb yarmarkaları açılacaqmı? – AÇIQLAMA

“Məktəb yarmarkalarının açılması ilə bağlı Bakı Şəhər Ticarət və Xidmət Departamentinə çoxsaylı müraciətlər daxil olub. Bu məsələ bizi də narahat edir”.

Musavat.com xəbər verir ki, bunu Bakı Şəhər Ticarət və Xidmət Departamentinin direktoru İntiqam Məmmədov bildirib. Onun sözlərinə görə, Departamentdə məktəb yarmarkalarının açılması ilə bağlı məsələ müzakirə edilir: “Bununla bağlı məsələ qaldırmışıq. Məktəblərin açılmasına az vaxt qalıb, valideynlər də bizə çox müraciət edirlər. Amma bu qaydalar çərçivəsində olmalıdır, bununla bağlı Nazirlər Kabunetinin qərarı olmalıdır”.

Qeyd edək ki, hər il tədris ili ərəfəsində Bakıda məktəbli və ofis ləvazimatlarının topdan və pərakəndə satış yarmarkaları təşkil olunurdu. Ötən il də yarmarka çadırları Bakı metropolitenin “Nərimanov”, “Gənclik”, “Koroğlu”, “Qara Qarayev”, “Neftçilər”, “Xalqlar Dostluğu”, “Əhmədli”, “Azadlıq prospekti”, “Memar Əcəmi”, “İnşaatçılar”, “Elmlər Akademiyası”, “Nizami” stansiyalarının qarşısında, ümumilikdə 19 yerdə fəaliyyət göstərib.

Yarmarkanın təşkilində əsas məqsəd valideynlərin az zaman sərf etməklə dərs vəsaitlərini, keyfiyyətli məktəb ləvazimatlarını güzəştli qiymətlərlə əldə etmələrinə kömək etməkdir.

Short URL: http://www.cumhuriyyet.net/?p=153358