İrəvanda partlayış terrordur? – Nazir açıqlama verdi

Ermənistanın paytaxı İrəvandakı “Surmalu” ticarət mərkəzində baş vermiş hadisə terror aktı deyil.

Cumhuriyyet.az xəbər verir ki, bunu Ermənistanın fövqəladə hallar naziri Armen Pambuxçyan bildirib.

“Partlayış anının videosuna baxsaq, görərik ki, terror aktından söhbət gedə bilməz. Əvvəlcə yanğın, sonra isə partlayış olub. Ona görə də deyə bilərik ki, burada terror hadisəsi olmayıb”, – nazir mətbuata açıqlamasında deyib.

Xatırladaq ki, ötən gün “Surmalu” ticarət mərkəzində baş vermiş partlayış zamanı azı 6 nəfər ölüb, 17 nəfər itkin düşüb. Hadisə nəticəsində 61 nəfər isə yaralanıb.

Short URL: https://www.cumhuriyyet.net/?p=180677