700 bal toplayan Bakıda qalmağa ev tapmır – Kirayə evlər bahadır…

03.09.2018 - 17:58

Bu il tələbə adını qazananlar arasında Bakı, Sumqayıt sakinləri ilə yanaşı, regionlardan gələnlər çoxluq təşkil edir

Tələblərin bəziləri yataqxanalarda, bəziləri isə kirayə mənzillərdə yerləşir. Yüksək balla ali məktəbə qəbul olan tələbələrin çoxu regionlardan gəldiyindən onlar ev problemi ilə üzləşirlər. Bakıda mənzillərin kirayə qiymətlərinin bahalaşması tələbələrin işini çətinləşdirir.

Cumhuriyyet.net xəbər verir ki, azvision.az 700 bal toplayan rekordçularla əlaqə saxlayaraq, onların harada qalacaqları ilə maraqlanıb.

ADA Universitetinin İqtisadiyyat fakültəsini seçən Xaçmaz rayon sakini Jalə Rəcəbova artıq kirayə ev tapıb: “Evi çoxdan tapmışdıq. Aylıq 300 manat kirayə haqqı verəcəyəm, həm də ev sahibəsi ilə birlikdən qalacağam”.

Goranboy rayonu, Sarıkürd kənd orta məktəbinin məzunu Kənan Məhəmmədəli Bakı Ali Neft Məktəbinin proseslərin avtomatlaşdıılması fakültəsində təhsilini davam etdirəcək. O, təhsil alacağı məktəbin yataqxanasında qalacaq.

“Yataqxana Qara Qarayevdədir, qalmaq ödənişsizdir. Lakin gələn il təzə yataqxanaya köçəcəyimizi və oranın ödənişli olacağını deyirlər”.

Lənkəran rayon, 4 saylı Humanitar Təmayüllü Məktəb-lisey məzunu Fəyyaz Aslanlı Tibb Universitetinin Müalicə işi fakültəsində təhsilini davam etdirəcək. O, harada qalacağını dəqiqləşdirməyib.

“Xalam uşaqları və bacım Bakıda təhsil alır. Ola bilsin ki, dördümüz birlikdə kirayə evdə qaldıq. Amma harada qalacağımı dəqiq bilmirəm”.

Şəkidən olan Nərmin İsmayılova kirayə qiymətləri baha olduğundan özünə otaq yoldaşı axtarır: “Prezident yanında İdarəçilik Akademiyasına daxil olmuşam. Hələ kirayə ev tapmamışıq. Qiymətlər bir qədər bahadır. İstərdim ki, yanımda bir qız qalsın və kirayə pulunu yarı bölək. Hələki otaq yoldaşı tapmamışam”.

700 bal toplayan Ağcabədi rayon, Qaravəlli kənd sakini Əzim Əzimli isə qohumlarının evində qalacaq.

“Bakı Dövlət Universitetinin Hüquqşunaslıq fakültəsində təhsil alacağam. Evlə bağlı problemim olmadı, çünki qohumlarımın evində qalmağa qərar verdim”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=122249

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Sentyabr 2018
BE ÇA Ç CA C Ş B
« Avq    
 12
3456789
10111213141516
17181920212223
24252627282930