ADAU tələbələrinin bu görüntüsü tənqid olundu – Foto

11.10.2018 - 11:13

Azərbaycan Dövlət Aqrar Universitetinin Aqronomluq fakültəsinin III kurs tələbələrini 1 oktyabr tarixində təcrübə məqsədilə pambıq yığımına aparması birmənalı qarşılanmayıb.

Axar.az xəbər verir ki, bununla bağlı fikirlərini bölüşən iqtisadçı ekspert Qubad İbadoğlunun sözlərinə görə, dünya ölkələri texnikanın imkanlarından yararlandığı bir vaxtda azərbaycanlı tələbələrin təcrübə məqsədilə pambıq yığımına aparılması utancvericidir:

“Mütərəqqi dünya təhsilə innovasiyalar tətbiq edir, ABŞ-da orta məktəb şagirdləri robot düzəldir, Azərbaycan Dövlət Aqrar Universiteti isə tələbələrə dərs vaxtı pambıq yığmağı öyrədir.

Universitet yaydığı məlumatda bildirib ki, ölkədə pambıq yığımına başlanılması ilə əlaqədar pambıqçıların yanında olmaq, onlara dəstək nümayiş etdirmək, auditoriyalarda əldə olunan nəzəri bilikləri təcrübədə möhkəmləndirmək, tətbiq olunan innovativ texnologiyalarla yaxından tanış olmaq məqsədilə tələbələr pambıq yığımı prosesinə qoşulmağa dəvət olunurlar”.

Ekspert bildirib ki, ADAU-nun bu məntiqindən belə çıxır ki, astronom olmaq üçün tələbə Ayda, Marsda təcrübə keçməlidir:

“Universitetin bu məntiqinin arxasında nə dayanır:

1. Pambıq yığmağı öyrənmək üçün ADAU-da oxumaq lazımdır.

2. ADAU-da oxumaq üçün pambıq yığmağı öyrənmək lazımdır.

Bu məntiqlə astronom olmaq üçün Ayda, Marsda təcrübə keçməlisən, yaxud Turizm Universitetində oxumaq üçün çoxlu səfərə çıxmalısan, əczaçı olmaq üçün müxtəlif dərmanlar qəbul etməlisən.

Əgər ADAU-nun məqsədi auditoriyalarda əldə olunan nəzəri bilikləri təcrübədə möhkəmləndirmək, tətbiq olunan innovativ texnologiyalarla yaxından tanış olmaqdırsa, onda tələbələr yalnız hazır pambığı toplamalı deyil, pambığın əkilmə, suvarılma, vegetasiya (cücərmə, boyatma və yetişmə), bir sözlə, bu bitkinin aktiv fəaliyyətinin bütün fazalarında tarlada olmalıdır”.

Q.İbadoğlu bildirib ki, belə universitetdə təhsil almaqdansa, pambıq əkib daha çox şey öyrənmək olar.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i1.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i2.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=123636

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Dekabr 2018
BE ÇA Ç CA C Ş B
« Noy    
 12
3456789
10111213141516
17181920212223
24252627282930
31