Aslanlı qısa müddətdə bank sahibi olan yüksək çinli məmurlarla düşmən oldu… – İDDİA

23.10.2018 - 12:35

Rüfət Aslanlının vurulması və struktur dəyişiklikləri ilə böyük maliyyəyə nəzarətin ilkin qalibləri müəyyənləşsə də, mübarizə başa çatmayıb

Bir neçə gün əvvəl yerli mətbuatda unikal videoyazı paylaşılmışdı. Videodan görünürdü ki, Maliyyə Bazarlarına Nəzarət Palatanın rəhbəri Rüfət Aslanlı özünün, dəyəri 150 min dollara yaxın olan 10 SN 003 nömrəli göy idman “Porsche”sində idarənin həyətinə necə girir. Özü də bu vaxt onu, xüsusi əhəmiyyətli şəxs kimi, hökumət nömrəli “Range Rover” müşayiət edir. Rüfət Aslanlı öz “sportkar”ından çıxır və dərhal polis ona, sanki generalı qarşılayırmış kimi, hərbi salam verir…

Ümumiyyətlə, bu məmurun harazmatik narsizmə çatan həddən artıq şöhrətpərəstliyindən Azərbaycanda çoxdan söz-söhbət gəzirdi. Hələ bir il əvvəl yerli KİV “Grand Vin de Bordeux” şirkəti tərəfindən xüsusi olaraq Rüfət Aslanlı üçün istehsal edilmiş Maison (Mezonu) fransız şərab butulkası haqqında yazı dərc etmişdi. Demə, o, nadir və kolleksiya şərablarının böyük bilicisi imiş. Adını daşıyan şərabın butulkası qraf de Lafer Aslanlıya beş min avrodan az olmayan məbləğə başa gəlmişdi…

R. Aslanlının hədsiz ambisiyalarını orta əl məmurunun orta əsr aristokratiyasını yamsılayan şəxsi ailə gerbi yaratması da təsdiq edir. R. Aslanlının şərabının etiketini nərdivana dırmaşan gənc şirin təsvir olunduğu həmin gerb bəzəyir.

Rüfət Aslanlının korrursiyaya qurşandığına və cah-calala sevgisinə virtualaz.orq-a məlum olan yeni faktlar da şahidlik edir: internetdə əlçatan bütün rəsmi şəkillərdə bu məmurun qolunda dəyəri milyonlarla dollarla ölçülən bahalı saatlar var.

Kiçik araşdırma aydınlaşdırıb ki, Rüfət Aslanlının təkcə ictimaiyyətə nümayiş etdirdiyi saatların ümumi dəyəri milyonlarla dollar dəyərindədir. CBS telekanalına müsahibələrinin birində məmur kamera qarşısına “Parmigiani Fleurier Kalpa”-nın qiyməti 50-150 min dollar arasında dəyişən saatı ilə çıxmışdı.

Maliyyə Bazarlarına Nəzarət Palatasının iclasından çəkilmiş başqa şəkildə Rüfət Aslanlının qolunda “Tourbillon”-un 200 min dollar dəyəri olan saatını görmək olar.

Rüfət Aslanlı şəxsi iş kabinetində kamera qarşısında “Patek Philippe Nautilus”-un 53 min dollar dəyəri olan daha bir unikal saatını göstərir. Aslanlının “Vacheron Constantin Perpertual”-dan olan başqa bahalı saatının qiyməti isə 88 min dollardır…

Şübhəsiz, bu gün lüks saatlar onların sahibinin sosial statusunun markeri funksiyasını yerinə yetirir. Bahalı saat bahalı maşın kimi, hakimiyyətin və onun imkanlarının statusunun simvoluna çevrilib. Halbuki mədəni ölkələrdə belə şeylərdən çoxdan imtina ediblər. Bütün bunlar orada zövqsüzlüyün və Allahlıq iddiasının əlaməti sayılır.

Reyting.az-a daxil olan məlumata görə, Rüfət Aslanlının bahalı zövqləri onun karyerasını bitirəcək faktorlardan biri olub. Bizi bilgiləndirən şəxs deyib ki, Palata sədrinin “vurulma” prosesində onun bu xarakterindən məharətlə istifadə olunub:

“Əslində, Rüfət Aslanlının qələmi çoxdan “qırılıb”. Banklara nəzarət funksiyası Maliyyə Bazarlarına Nəzarət Palatasına veriləndən sonra bu qurum bir sıra oliqarx məmurların üzərinə yeridi. Banklarda mövcud olan problemlərə göz yumulmasına imkan verməyən Aslanlı qısa müddətdə bank sahibi olan yüksək çinli məmurlarla düşmən oldu. Əslində, Rüfət Aslanlı ölkə başçısının tapşırıqlarını yerinə yetirirdi, amma məsələ ondadır ki, o, bu tapşırığı yerinə yetirərkən hakimiyyətiçi qrupların dəngəsini nəzərə almadı. Nəticədə hakim komandada bank sahibi, yaxud bəzi banklara himayədarlıq edən kifayət qədər nüfuzlu məmurlar Aslanlıya qarşı cəbhədə yer aldılar. Elə buna görə də narazı məmurlar dəbdəbəli həyat tərzinin ictimailəşməsi yolu ilə Rüfət Aslanlını gözdən salmağa başladılar. Ona qarşı təşkil olunan bu kampaniya nəticəsini verdi: Aslanlının məlum davranışları hakimiyyətin yuxarı dairələrində də xoş qarşılanmadı və Palata sədrinin reputasiyasına ciddi zərbə dəydi.

Ölkənin iqtisadi, bank və maliyyə siyasətini müəyyənləşdirən şəxslərin təqdimatı ilə hazırlanan struktur və hüquqi dəyişikliklər Aslanlıya vurulan son zərbə oldu”.

Məlum olduğu kimi, bir müddət əvvəl Maliyyə Bazarlarına Nəzarət Palatası publik hüquqi şəxsinin Direktorlar Şurası ləğv olunub. Bu məsələ Prezident İlham Əliyevin təsdiqlədiyi Palatanın yeni Nizamnaməsində öz əksini tapıb. Nizamnaməyə görə, MBNP-nin idarəetmə orqanı İdarə Heyətidir. Bundan əvvəlki Nizamnamədə isə qurumun idarə edilməsi İdarə Heyəti ilə yanaşı Direktorlar Şurasına həvalə olunmuşdu. Maliyyə Bazarlarına Nəzarət Palatası publik hüquqi şəxsin Direktorlar Şurasının sədri Rüfət Aslanlı idi. Sədr müavini Nigar Məmmədova, üzvü isə İlqar Muradovdur. Prezidentin qərarı ilə Aslanlı və digər adları çəkilən şəxslər faktiki olaraq vəzifələrini itiriblər.

Qısa xatırlatma verək ki, Rüfət Aslanlı Mərkəzi Bankın İdarə Heyətinin sədri Elman Rüstəmovun kadrı sayılır. Təsadüfi deyil ki, 1970-ci ildə Bakı şəhərində anadan olan Rüfət Aslanlı uzun müdət Mərkəzi Bankda fəaliyyət göstərib. O, 1994-cü ilin dekabr ayından Azərbaycan Respublikası Milli Bankının Baş pul-kredit siyasəti və valyutanın tənzimi idarəsində aparıcı iqtisadçı, 1995-ci ildən baş iqtisadçı, 1998-ci ildən isə həmin idarənin valyuta nəzarəti şöbəsinin rəisi vəzifələrində çalışıb. 2000-ci ilin iyul ayından Kredit təşkilatlarının fəaliyyətinə nəzarət departamentinin direktoru, 2001-ci ilin dekabr ayında Milli Məclisin qərarı ilə Milli Bankın İdarə Heyətinin üzvü seçilib. 2006-cı ildə Milli Bankın Baş direktoru vəzifəsinə təyin edilib. 2006-ci ilin dekabr ayında ikinci dəfə Milli Məclisin qərarı ilə Milli Bankın İdarə Heyətinin üzvü seçilə bilib. 2007-ci ilin fevral ayında Milli Bankın İdarə Heyəti sədrinin müavini vəzifəsinə təyin edilib. 2008-2016-cı illərdə isə Qiymətli Kağızlar üzrə Dövlət Komitəsinin sədri vəzifəsində çalışıb.

Azərbaycan Respublikası Prezidentinin 10 mart 2016-cı il tarixli Sərəncamı ilə Maliyyə Bazarlarına Nəzarət Palatası Direktorlar Şurasının sədri təyin edilib.

Onu da qeyd edək ki, Maliyyə Bazarlarına Nəzarət Palatasının baş icraçı direktoru İbrahim Alışovdur. Prezident İlham Əliyev tərəfindən bir neçə gün öncə təsdiqlənən yeni Nizamnamədən sonra İbrahim Alışov Palatanın tam səlahiyyətli rəhbərinə çevrilib.

Xüsusi vurğulamaq lazımdır ki, İbrahim Alışov Rüfət Aslanlıya qarşı olan qrupun kadrıdır. Belə ki, həmin qrupun səyi nəticəsində R. Aslanlıya olan etimad azaldıldı, İ. Alışov Palataya ikinci şəxs kimi gətirildi. İkinci həmlədə isə struktur dəyişikliyi edilərək İ. Alışov qurumun faktiki söz sahibinə çevrildi.

Maraqlıdır, bu qədər kombinasiyalar, qara piar kampaniyaları, struktur islahatları bir məmuru vurmağamı hesablanıb? Məgər Aslanlının zərərsizləşdirilməsi o qədərmi vacibdir?

Təbii ki, bu, göründüyü qədər sadə məsələ deyil. Bu, böyük bir planın tərkib hissəsidir.

Məlumatlı şəxsin fikrincə, əslində, bütün bunlar ölkənin bank-maliyyə sektoruna nəzarət etmək uğrundakı savaşın bir mərhələsidir. Mənbənin sözlərinə görə, Mərkəzi Bank oyundan çıxarıldığı üçün bu sistemdə əsas güc Maliyyə Bazarlarına Nəzarət Palatasındadır. Bu qurum kimin nəzarətində olacaqsa, bank-maliyyə sektoru da onun tabeliyində fəaliyyət göstərəcək:

“Bir məsələni xüsusi vurğulamaq lazımdır ki, builki prezident seçkilərindən sonra iqtidar daxilində ciddi dəyişikliklər oldu. Hakimiyyət də anlayır ki, idarəçilikdə köklü dəyişikliklər aparmaq lazımdır. Amma bu dəyişikliklər köhnə fiqurlarla mümkün deyil. Yəni, yeni sistemə yeni simalar lazımdır. Diqqət edirsinizsə, təyinatlarda da yeni simalar orataya çıxdı. Əslində Rüfət Aslanlı da yeni sistemə uyğun şəxs idi, amma o, idarəçiliyi əlində saxlayan qrupların maraqlarını nəzərə almadığı üçün oyundan çıxarıldı. Artıq ölkədə idarəçilik mexanizmi dəyişir. Yeni dönəmdə əsas məsələ kimlərin hansı sahəyə nəzarət etməsindədir. Təbii ki, ölkənin əsas maliyyəsinin dolaşdığı bank sektorunun da kimin nəzarətində olması vacibdir. Ona görə də Maliyyə Bazarlarına Nəzarət Palatası güc mübarizəsinə qoşulanların əsas hədəflərindən biridir. Görünən odur ki, Rüfət Aslanlını zərərsizləşdirən qrup qalibdir”.

Mənbəmiz iddia edir ki, mübarizənin birinci mərhələsinin qalibləri bəlli olsa da, onların ölkənin bank-maliyyə sektoruna nəzarəti sona qədər əldə saxlayacaqları hələlik sual altındadır. İddiaya görə, bu məsələ tam həllini yaxın müddətdə tapacaq.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=123945

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031