109 yaşlı “Ər və arvad”la həmyaşıd Akademik Musiqili Teatr

24.05.2019 - 15:02

109 il bundan öncə  – 24 may 1910-cu ildə Üzeyir Hacıbəylinin ölməz səhnə əsəri – “Ər və arvad” musiqili komediyası ilə şərqdə ilk operetta janrı təşəkkül tapdı və Azərbaycan mədəniyyəti tarixində önəmli yeri olan həmin tamaşa  ölkəmizdə Musiqili Teatrın gələcək inkişafına zəmin yaratdı.

May ayının 26-da saat 19:00-da Azərbaycan Dövlət Akademik Musiqili Teatrınında oynanılacaq “Ər və arvad” tamaşasının növbəti nümayişi də bu əlamətdar günə həsr olunub.

Bir əsrdən çox müddətdə repertuardan düşməyən, tamaşaçılar tərəfindən böyük sevgi və maraqla qarşılanan bu səhnə əsəri nəinki ölkəmizdə, həm də onun hüdudlarından kənarda da daim uğurla nümayiş olunur, çox böyük maraq və coşquyla qarşılanır.

16 oktyabr 2010-cu ildə son quruluşda təqdim olunan tamaşanın rejissoru Yusif Əkbərov, quruluşçu-dirijoru Əməkdar incəsənət xadimi Nazim Hacıəlibəyov, dirijoru Əməkdar incəsənət xadimi Fəxrəddin Atayev, quruluşçu-rəssamı Əməkdar rəssam Eldar Qurbanov, baletmeysterləri Əməkdar artistlər Zakir və Yelena Ağayevlər, xormeysteri Əməkdar artist Vaqif Məstanov, konsertmeysteri Fidan Babayeva, rejissor assistentləri Elməddin Dadaşov və Tamilla Aslanovadır. Rollarda Xalq artisti Fatma Mahmudova, Əməkdar artistlər Ələkbər Əliyev, Nahidə Orucova, Rəsmiyyə Nurməmmədova, Elxan İsmayılov, Ağaxan Şərifov, aktyorlar Möylə Mirzəliyev, Əliməmməd Novruzov, Fərid Rzayev və Ruslan Mürsəlov ifa edirlər.eatr həftəsonunu əyləncəli keçirmək istəyən hər kəsi əsrlərə meydan oxuyan, heç vaxt aktullığını itirməyən və hamıya xoş ovqat bəxş edən böyük Üzeyir bəyin musiqisinə, “Ər və arvad” tamaşasına baxmağa dəvət edir.

6 manatdan başlanan biletləri şəhərin bütün teatr-konsert kassalarından və “ASAN xidmət” mərkəzlərindən, eləcə də “iticket.az” saytından əldə etmək olar.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=128501

XƏBƏR LENTİ

virtual_roadi

Рейтинг@Mail.ru

Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN

en son xeberler

Mart 2024
BE ÇA Ç CA C Ş B
 123
45678910
11121314151617
18192021222324
25262728293031