Bu tarixdə televiziya və radio kanallarının yayımı dayandırılacaq – DİQQƏT
13.09.2019 - 15:36
Sentyabrın 16-da Azərbaycanın efir məkanında kompleks profilaktika işləri aparılacaq.
Bu barədə “Cümhuriyyət”ə “Teleradio” İstehsalat Birliyindən məlumat verilib. Bildirilib ki, kompleks profilaktika ilə əlaqədar telekanal və radioların yayımı saat 06:00-dan 15:00-dək dayandırılacaq.
Qeyd edək ki, profilaktika işləri daha əvvəl təsdiq olunan cədvələ uyğun həyata keçirilir. Bu ilin cədvəlinə əsasən, dörd kompleks profilaktika nəzərdə tutulub.
Bu günədək profilaktika martın 4-də və iyunun 10-da keçirilib, üçüncüsü sentyabrın 16-da, dördüncüsü isə dekabrın 9-da keçiriləcək.
Short URL: https://www.cumhuriyyet.net/?p=132969
