“Bakı Metropoliteni” bu gün yarım saat artıq işləyəcək
12.12.2019 - 16:49
“Qarabağ” futbol klubunun bu gün saat 21:55-də Tofiq Bəhramov adına Respublika Stadionunda UEFA Avropa Liqasının qrup mərhələsi çərçivəsində keçirəcəyi son oyuna görə “Bakı Metropoliteni” QSC saat 00:30-a qədər, yəni yarım saat artıq işləyəcək.
“Cümhuriyyət” xəbər verir ki, bu barədə səhmdar cəmiyyətinin açıqlamasında bildirilir.
Məlumata görə, qarşılaşmanı arenadan canlı izləyəcək tamaşaçılar metronun “Gənclik” stansiyasına daxil ola və qatarlarla mənzil başına çata bilərlər. Digər stansiyaların girişi isə adi iş vaxtı qaydası ilə saat 00:00-da bağlanacaq.
Short URL: https://www.cumhuriyyet.net/?p=138599
