“Cənnətdə” oturub Azərbaycan banklarını soydu

17.07.2021 - 13:07

İspaniyanın Aralıq dənizində yerləşən Kosta Blanka adasında (Valensiya muxtar bölgəsinə daxildir) yerli məhkəmə Azərbaycan da daxil olmaqla bir neçə ölkənin banklarına kiberhücum həyata keçirərək milyonlarla dollar oğurlamış rusiyalı hakerə hökm oxuyub. Virtualaz.org xəbər verir ki, Denis Tokarenko adlı bu haker  4 il yarım həbs cəzasına məhkum edilib. Eyni zamanda o, 6 milyon dollar cərimə ödəməlidir.

Ağ qumlu çimərlikləri, bütün il boyu mülayim havası ilə məşhur olan Kosta Blanka adası turizm cənnəti hesab edilir və hər il ora 6 milyondan çox turist baş çəkir. 39 yaşlı Denis Tokarenko adlı həmin rusiyalı haker Kosta Blanka sakinidir, San Vicente del Raspeig şəhərində yaşayır. O, kompüter dələduzluğunda, sənədlərin saxtalaşdırılmasında və cinayət yolu ilə əldə edilmiş pulların yuyulmasında ittiham olunurdu. Onun rəfiqəsi Yuliya Qluşenkova isə çirkli pulların yuyulmasında iştirak etdiyi üçün 6 ay həbslə və 300 min dollar cərimə ilə cəzalandırılıb.

Bildirilir ki, Denis Tokarenko Kosta Blankada “Denis Katana” ad-soyadı ilə özünə saxta pasport düzəldib və bu adla fəaliyyət göstərib, onun xarici ölkələrdə yaşayan daha 3 nəfərlə əlbir olduğu müəyyən olunub. Amma həmin şəxslərin kimliyini təsbit etmək mümkün olmayıb.

Rusiyalı haker “Cobalt” adlı virus proqramı hazırlayaraq onu Azərbaycan, Belarus və Tayvan da daxil olmaqla bir neçə ölkənin bank işçilərinin kompüterlərinə yoluxdurub. Bu yolla  4 milyon dollardan (istintaqın sübuta yetirə bildiyi məbləğdən söhbət gedir) çox vəsait ələ keçirib. O, 2016-cı ilin iyul ayında cəmi 2 gün ərzində Tayvanın “First Commercial Bank” adlı bankından 2.2 milyon dollar oğurlayıb. Tokarenko 2018-ci ildə İspaniya Milli Polisi tərəfindən Belçika hüquq-mühafizə orqanlarından daxil olmuş informasiya əsasında həbs edilib.

 

Virtualaz.org

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=165200

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Avqust 2021
BE ÇA Ç CA C Ş B
 1
2345678
9101112131415
16171819202122
23242526272829
3031