Kəramətin valideynlərilə görüşünə İCAZƏ VERİLDİ

12.10.2021 - 14:00

Maştağadakı Narkoloji Dispanserdə məcburi müalicəyə cəlb edilən yazıçı Kəramət Böyükçölün ailə üzvlərilə görüşünə şərait yaradılıb.

Bu barədə görüşdə iştirak etmiş ictimai fəal Rüfət Səfərov bildirib:

“Dünən məni, Kəramətin atası Qəşəm müəllimi və anası Tabəs xanımı dispanserin baş direktoru Orxan həkim qəbul etdi. Dispanserə yollanmazdan əvvəl Kəraməti ora aparan səlahiyyət sahibləri ilə danışıldı, israr edildi ki, görüş təmin edilsin. Şükürlər olsun ki, təmin olundu. Orxan həkim Kəraməti kabinetinə gətizdirdi. Kəraməti çox aciz, ruhsuz, kefsiz və çarəsiz gördüm. Aclıq aksiyasına başlamışdı. Təkid edirdi ki, onu dispanserdən çıxaraq. Dərmanlar Kəraməti keyləşdirmişdi”.

Rüfət Səfərov deyib ki, Kəramət Böyükçöl israrla dispanserdən çıxarılmasını xahiş edib. Amma ailə üzvləri qalıb müalicə olunmasının vacibliyini bildiriblər:

“Çünki mütləq qalmalı, zəruri müalicə kursu keçməlidir, yoxsa, iraq olsun, ölə bilər. İnsafən, oradakı şərait belədir: təmirli, gündə 3 dəfə yemək, başqalarına deyə bilmərəm, amma Kəramətə pulsuz dava-dərman, yüksək qayğı. Eyni zamanda, baş direktor inam ifadə etdi ki, 21 gün ərzində müalicə bitəcək, Kəramətin sağlamlığı üçün əllərindən gələni edəcəklər, çünki məsələ ən yüksək səviyyədə nəzarət altındadır.

Kəraməti birtəhər inandıra bildim ki, aclığı dayandırmalıdır. O, söz verdi ki, gedib çörək yeyəcək.

Və mən əminəm ki, Kəramət tam sağalacaq, palatasının nömrəsinə uyğun olaraq ortaya şedevr bir əsər də qoyacaq. Məsələn, “7-ci palata””,-deyə R.Səfərov bildirib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=167543

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Dekabr 2021
BE ÇA Ç CA C Ş B
 12345
6789101112
13141516171819
20212223242526
2728293031