Məleykə Abbaszadə ixtisas qruplarındakı dəyişikliyə AYDINLIQ GƏTİRDİ

27.10.2021 - 12:48

“Bu il yox, gələn tədris ilində birinci qrup üzrə imtahan verən və informatika ixtisasını seçmək istəyən abituriyentlər üçün kimya fənnindən deyil, informatikadan imtahan vermək şansı yaradılacaq”.

 

Bunu Dövlət İmtahan Mərkəzinin Direktorlar Şurasının Sədri Məleykə Abbaszadə jurnalistlər üçün keçirdiyi mətbuat konfransında deyib.

 

M.Ababszadə deyib ki, III ixtisas qrupunda bəzi ixtisaslar üzrə imtahan fənləri dəyişdirilir:

 

“Yəni “Beynəlxalq münasibətlər” və “Regionşünaslıq (regionlar üzrə)” ixtisasları II ixtisas qrupundan çıxarılaraq III ixtisas qrupuna daxil edilib. Bu da abituriyentlər üçün əlavə imkan deməkdir. Universitetlərin tələbləri də nəzərə alınaraq, elə şəxslər oxumalıdır ki, coğrafiyadan orta məktəb səviyyəsində biliklərə malik olsunlar.

Adı çəkilən hər iki ixtisas üçün coğrafiya bilikləri vacibdir. Universitetlər də məhz bu bilikləri tələb etdiyindən, coğrafiya fənni üzrə biliklər xüsusi nəzərə alınacaq. Beləliklə, sırf bu ixtisası seçmək istəyən abituriyentlər Ədəbiyyat fənni əvəzinə coğrafiyadan imtahan verəcəklər”.

 

O digər ixtisas qrupları üzrə məlumatları da diqqətə çatdırıb:

“Əvvəlki qəbul imtahanında II qrup üzrə 13 642 yer təklif edilmişdi, amma cəmi 16 min şəxs qeydiyyatdan keçmişdi. Onlardan 8000 nəfər 150 baldan yuxarı nəticə göstərib, müsabiqəyə buraxılmışdı. Yəni, biz artıq yer seçimi elan olunmadan bilirdik ki, II qrupda kifayət qədər boş yer qala bilər.

III qrup üzrə isə 12 853 yer təqdim edilmişdi, sənəd verən 21 min adamdan 16 567 nəfər 150 baldan yuxarı nəticə göstərib müsabiqəyə qatılmışdı. Əvvəldən proqnoz etmişdik ki, təxmini 4000 adam qəbul olmayacaq. Subbakalavrlardan cüzi hissə lazımi nəticə əldə edərək qəbul ola bilmişdi”.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=167900

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Dekabr 2021
BE ÇA Ç CA C Ş B
 12345
6789101112
13141516171819
20212223242526
2728293031