Azərbaycanda “Omicron” təhlükəsi – Sərhədlər bağlanacaq?

29.11.2021 - 17:00

Koronavirusun yeni ştammı “Omicron” aşkarlanarsa, ölkədə hansı tədbirlərin görülməsi ilə bağlı yəqin ki, Nazirlər Kabineti yanında Operativ Qərargahın qərarı olacaq.

 

Bu fikirləri açıqlamasında Milli Məclisin Sosial siyasət komitəsinin sədri Musa Quliyev bildirib.

 

O qeyd edib ki, Azərbaycan üçün hələ ki, belə bir təhlükə hiss olunmur:

 

“Azərbaycanda yeni ştamma yoluxma halı qeydə alınmayıb. Ona görə də indidən nəsə demək tezdir. İstənilən halda profilaktik, qabaqlayıcı tədbirlərimizi görməliyik. Nazirlər Kabineti yanında Operativ Qərargah nə qərar qəbul eləsə, o zaman biləcəyik”.

 

Həkim-infeksionist Vasif Əliyev Modern.az-a deyib ki, virusun istənilən ştammına qarşı mübarizə eyni metodlarla icra edilir:

 

“Koronavirusun yeni ştammından qorunma yolları və diaqnostik metodlarla xəstəliyin tanınması, eyni zamanda müalicə üsulu daha əvvəl aparılmış metodlarla davam etdirilir. Yəni, hər hansı dəyişiklik yoxdur. Bu virusdan qorunma yolları bildiyimiz kimi fərdi gigeyna ilə yanaşı, peyvəndlənmə prosesidir. Müalicə diaqnostika metodları daha əvvəl bildiyimiz yöntəmlərlə davam etdirilir. Hələ ki, bu virus yenidir və əlavə məlumatlar olduğu zaman ÜST tərəfindən bildiriləndə biz də bunu ictimaiyyətə açıqlayacağıq”.

 

V. Əliyev ölüm hallarının artmasının sadəcə virusun mutasiyasının çoxluğu ilə deyil, eyni zamanda yoluxma hallarının sayının çoxluğu ilə də əlaqələndirilə biləcəyini qeyd edib:

 

“Bu baxımdan xəstəlik mutasiyanın daha əvvəl bilinən mutasiyalardan fərqli olaraq, daha çox öldürücü və yoluxdurucu olub-olmadığı bilinmir. Bu istiqamətdə tətqiqatlar davam etdirilir”.

 

Qeyd edək ki, noyabrın 26 -da Ümumdünya Səhiyyə Təşkilatı koronavirusun yeni variantını  “B11529” təsnif edib və qısaca olaraq “Omicron” adı verib. Varianta ilk dəfə Cənubi Afrika Respublikasında rast gəlinib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=168448

XƏBƏR LENTİ

virtual_roadi

Рейтинг@Mail.ru

Redaktor: Xan Tural
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Yanvar 2022
BE ÇA Ç CA C Ş B
 12
3456789
10111213141516
17181920212223
24252627282930
31