Deputatdan şok ittiham: Nazir öz müəllimlərinə nəzarət edə bilmir – VİDEO
“Günahkar axtarışına çıxanda əsl günahkarı tapmaq mümkün olmur, sadəcə kiminsə üzərinə o günah atılır. Ona görə də səbəbi deyil, nəticəni araşdırmalıyıq. Əgər bu elm və təhsil nazirini günahkar bilib dəyişdirsək, yenə eyni vəziyyəti müşahidə edəcəyik, təhsillə bağlı heç nə dəyişməyəcək. İndiki nazirdən də əvəl müəllimin dərs keçməməsi, repititorluq və sair hadisələr müşahidə edilirdi, indi də var. Əgər əvvəlki nazirlət müsbətə doğru nəyisə dəyişə, düzəldə bilməyiblərsə, indikinin yerinə bir başqasını gətirsək yenə də heç nə düzəlməyəcək”.
Bu barədə Milli Məclisin deputatı Erkin Qədirli “TV Musavat”ın efirində jurnalist Sevinc Telmanqızının verilişində bildirib. O qeyd edib ki, elm və təhsil nazirinin müəllimlərinə nəzarət edə bilmədiyini, Azərbaycanda təhsil sisteminin təməldən yanlış qurulduğunu iddia edib: “Təhsil sistemi təməldən yanlış qurulub. Elm və təhsil naziri öz müəllimlərinə nəzarət edə bilmir. Çünki müəllimlər seçki prosesinə cəlb olunub. Seçkilərin necə keçirildiyini də bilirik. Bu, sosial müqavilədir. Müəllim deyir ki, əgər sən istəyirsənsə qutudan filankəs çıxsın, onda mən də rüşvət alacam, dərsimi demiyəcəm, repititorluqla məşğul olacağam. Belə olan halda nazir o müəllimə nə deyə bilər ki? Ona görə də günahkar deyil, səbəbi axtarmalıyıq”.
Daha ətraflı videoda:
Short URL: https://www.cumhuriyyet.net/?p=198997
