Zelenski Ukraynanın yeni prezidentidir: Ekzit-pol nəticələri
21.04.2019 - 22:19
Ukraynada prezident seçkilərinin ikinci turunda səsvermə başa çatdı. Virtualaz.org xəbər verir ki, ölkə qanunvericiliyinə uyğun olaraq, saat 21:00-dan (Bakı vaxtı ilə) sonra ekzit-polların nəticələri açıqlana bilər.
Beləliklə, Ukrayna Milli ekzit-polunun nəticələrinə görə, Vladimir Zelenski 73,2%, Pyotr Poroşenko isə 25,3% səs toplayıb. Yerli “1+1” telekanalının ekzit-polunun nəticələrinə görə, Vladimir Zelenski 72,7%, Pyotr Poroşenko isə 27,3% səs toplayıb.
Yerli “112.Ukrayna” telekanalının ekzit-polunun nəticələrinə görə, Vladimir Zelenski 73,7%, Pyotr Poroşenko isə 26,3% səs toplayıb.
Beləliklə, indidən böyük ehtimalla demək olar ki, Vladimir Zlenski Ukraynanın yeni prezidenti seçilib.
Short URL: https://www.cumhuriyyet.net/?p=127913
