Yaponiya oktyabrdan başlayaraq əcnəbilər üçün ölkəyə girişi yumşaldır

23.09.2020 - 10:08

Yaponiya hökuməti koronavirus pandemiyasına görə ölkəyə əcnəbilərin gəlişini qadağan edən məhdudiyyəti oktyabr ayının əvvəllərindən başlayaraq aradan qaldırmağa hazırlaşır.

AZƏRTAC “Asahi shimbun” qəzetinə istinadla xəbər verir ki, bu barədə qərar turistlərə şamil olunmayacaq.

Nəşrin məlumatına görə, söhbət əsasən səhiyyə, təhsil və işgüzar məqsədlə həyata keçiriləcək orta və uzun müddətli səfərlərdən gedir. Eyni zamanda, mədəni fəaliyyət məhdudiyyətlərin götürüləcəyi sahələrə aid ediləcək. Məhdudiyyətlər yumşaldıldıqdan sonra hər gün Yaponiyaya dünyanın bütün ölkələrindən təqribən min nəfərin gələcəyi gözlənilir. Həmin şəxslərin uçuş ərəfəsində koronavirus testindən keçməsi və ölkəyə gəldikdən sonra 14 gün karantində qalması nəzərdə tutulur.

Bununla yanaşı, oktyabrdan başlayaraq məhdudiyyətlərin Yaponiyaya gələn əcnəbi tələbələr üçün götürüləcəyi də gözlənilir.

“Asahi”nin məlumatına görə, hökumət turist səfərləri istisna olmaqla, Yaponiyaya gəlişi asanlaşdırmaq istiqamətində imkanları genişləndirməkdə davam edəcək. Belə ki, Tokio, Osaka, Fukuoka, Naqoya və Sapporo şəhərlərində yerləşən beynəlxalq aeroportlar noyabrdan başlayaraq gün ərzində 20 min əcnəbini qəbul etməyi planlaşdırır.

Bildirilir ki, bu günədək Yaponiya hökuməti Asiya-Sakit okean regionunun koronavirusla bağlı vəziyyətin daha sabit olduğu 16 ölkəsindən əcnəbilərin gəlişini asanlaşdırmaq imkanlarını araşdırır. Bunun ilk növbədə biznes nümayəndə heyətlərinə, işgüzar səfərlərə və daimi yaşamaq üçün gələnlərə şamil ediləcəyi bildirilir. Həmin qaydanın Vyetnam, Tailand, Malayziya, Kamboca, Laos, Myanma və Sinqapurdan gələnlərə artıq tətbiq edildiyi də qeyd olunur. Eyni zamanda, bu istiqamətdə müzakirələrin Çin, Cənubi Koreya, Avstraliya, Yeni Zelandiya və digər ölkələrlə davam etdirildiyi bildirilir.

Xatırladaq ki, Yaponiya hökuməti ABŞ, Aİ və Cənub-Şərqi Asiya ölkələri, o cümlədən Azərbaycan, Çin, Cənubi Koreya, Rusiya, Belarus və Ukrayna daxil olmaqla 160 ölkə vətəndaşlarının buraya gəlişini qadağan edib.

https://i0.wp.com/www.cumhuriyyet.net/wp-content/plugins/sociofluid/images/google_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/facebook_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/yahoobuzz_16.png?w=500&ssl=1 https://i0.wp.com/www.cumhuriyyet.net/wp-content/plugins/sociofluid/images/twitter_16.png?w=500&ssl=1

Short URL: https://www.cumhuriyyet.net/?p=154740

XƏBƏR LENTİ

virtual_roadi

Рейтинг@Mail.ru

Baş redaktor: Nəsimi Şərəfxanlı
Telefon:077 333 90 09
E-mail:cumhuriyyetqezeti@gmail.com;
Sayt "Yeni Cumhuriyyət" qəzetinin rəsmi internet saytıdır.
Saytın yazılarından istifadə olunan zaman istinad və yazının linkinin göstərilməsi zəruridir
Hazırladı - "QURDQANLI" DSGN
Oktyabr 2020
BE ÇA Ç CA C Ş B
 1234
567891011
12131415161718
19202122232425
262728293031