Cari ildə Gürcüstanın xarici ticarət dövriyyəsi 14,6 faiz azalıb
22.12.2020 - 15:23
Yanvar-noyabr ayları ərzində Gürcüstanın xarici ticarət dövriyyəsi 10 milyard 202,4 milyon dollar təşkil edib. Bu da 2019-cu ilin eyni dövrü ilə müqayisədə 14,6 faiz azdır.
AZƏRTAC xəbər verir ki, bu barədə Gürcüstanın Milli Statistika Xidməti məlumat yayıb.
Bildirilir ki, hesabat dövründə Gürcüstanın xarici ticarətində ixracın dəyəri 3 milyard 16,4 milyon dollar olub ki, bu da ötən ilin 11 ayı ilə müqayisədə 11,3 faiz azdır. İdxalın dəyəri isə 15,9 faiz azalaraq 7 milyard 186 milyon dollar təşkil edib.
Hesabat dövründə Gürcüstanın xarici ticarətində 4 milyard 169,5 milyon dollarlıq mənfi saldo yaranıb.
Short URL: https://www.cumhuriyyet.net/?p=158708
