Alişan canlı yayında vaksin vurdurdu
06.01.2021 - 16:14
Türkiyənin məşhur müğənnisi Alişan canlı yayında koronavirusa qarşı peyvənd vurdurub.
Musavat.com xəbər verir ki, sənətçi Star TV-də yayımlanan və aparıcısı olduğu “Demet və Alişanla sabah-sabah” proqramının canlı efirində vaksin vurdurub.
Müğənni bildirib ki, peyvənd olunmaq üçün könüllü olaraq müraciət edib:
“Mən daxil olmaqla hər kəs COVID-19-dan bezib. Bu problemin tək həll yolu peyvənddir. Tez bir zamanda bu işdən xilas olmaq lazımdır. Mən də tanınmış biri kimi örnək olmaq istədim”.
Qeyd edək ki, Türkiyədə ilk vaksin vurduran məşhur Çağla Şikel olub. O, həmin anın fotosunu sosial şəbəkədə paylaşmışdı.
Short URL: https://www.cumhuriyyet.net/?p=159367
